Միջազգային փորձագետի կարծիքով` եթե Բաքու-Թբիլիսի-Կարսը Եվրոպան կապում է Ասիայի հետ, ապա նոր «Անդրկովկասյան Տրանսսիբը», եթե անցնի Վրաստանի տարածքով, հյուսիսը կմիացնի հարավի հետ` Սոչի-Սուխում-Թբիլիսի-Երևան երթուղով:
Բաքու-Թբիլիսի-Ախալքալաք-Կարս (ԲԹԿ) երկաթուղու շահագործումից հետո Վրաստանը «չինական-կովկասան-եվրոպական» տրանսպորտային միջանցքի մաս է դարձել: Ռուս և վրաց ժողովուրդների միասնականության հիմնադրամի նախագահ Վլադիմիր Խոմերիկիի խոսքով` ներկայումս Թբիլիսին հնարավորություն ունի «Երկաթե մետաքսի ճանապարհը» միացնելու նաև Ռուսաստանին, Աբխազիային և Հայաստանին:
Միջազգային փորձագետի կարծիքով` եթե ԲԹԿ-ն Եվրոպան կապում է Ասիայի հետ, ապա այսպես կոչված նոր «Անդրկովկասյան Տրանսսիբը», եթե անցնի Վրաստանի տարածքով, հյուսիսը կմիացնի հարավի հետ` Սոչի-Սուխում-Թբիլիսի-Երևան երթուղով:
Աբխազիան արդեն հայտարարել է իր տարածքով հաղորդակցությունը վերականգնելու պատրաստակամության մասին, ինչին, Խոմերիկիի խոսքով, Թբիլիսին պետք է դրական արձագանքի, քանի որ «հյուսիս-հարավ» կովկասյան տրանսպորտային միջանցքը հետաքրքիր առաջարկ է նախ Վրաստանի համար:
Փորձագետը նշել է, որ Արցախյան պատերազմից հետո տարածաշրջանում իրավիճակը փոխվել է, հայտնվել են նոր խաղացողներ ու նոր հետաքրքրություններ:
Նա անսպասելի է համարել Հայաստանի և Ադրբեջանի միջև ձեռք բերված պայմանավորվածությունը` Վրաստանը շրջանցող երկաթուղու վերականգնման մասին: Այս դեպքում, փորձագետի խոսքով, Վրաստանը, հապաղելու դեպքում, կարող է դուրս մնալ տրանսպորտային հանգույցի շահավետ միջավայրից:
Վլադիմիր Խոմերիկիի խոսքով` ներկայիս «Անդրկովկասյան Տրանսսիբի» հարցում հետաքրքրված են տարածաշրջանի բոլոր խաղացողները` Հայաստանն ու Ադրբեջանը, Թուրքիան և Իրանը, Ռուսաստանը, ինչպես նաև Վրաստանն ու Աբխազիան:
Փորձագետի կարծիքով` Վրաստանը չպետք է մերժի Հայաստանի տարածքով Իրանի, ապա և` Պակիստանի, Հնդկաստանի ու Չինաստանի հետ կապվելու հնարավորությունը, հակառակ դեպքում, նրա համոզմամբ, հսկայական կորուստներ կկրի:
Խոմերիկին նաև ընդգծել է, որ եթե Վրաստանը հրաժարվի Աբխազիա-Հայաստան ուղղությունից, ապա ավելի մեծ կախվածության մեջ կհայտնվի Թուրքիայից, ինչը հղի է վրացական տարածքների իսլամականացմամբ:
Փորձագետը նաև շեշտել է, որ ցամաքային «կովկասյան» միջանցքի գործարկման դեպքում Բաթումի և Փոթի նավահանգիստները ոչ միայն չեն տուժի, այլև հավելյան ծանրաբեռնվածություն կստանան:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…