Նորահայտ NEOWISE գիսավորը հուլիսի 23-ին գտնվելու է Երկրին ամենամոտ հեռավորության վրա և արդեն տեսանելի է Հայաստանի տարածքից: Արժե բաց չթողնել հնարավորությունը և անզեն աչքով դիտել այն, քանզի հաջորդ անգամ գիսավորը Երկրին կմոտենա 6800 տարի անց:
C/2020 F3 NEOWISE գիսավորը / © Jeremy Perez
Ս.թ. մարտի 27-ին NASA-յի NEOWISE աստղադիտակի (NASA’s Neowise infrared space telescope) օգնությամբ հայտնաբերված C/2020 F3 NEOWISE գիսավորը հուլիսի 23-ին գտնվելու է Երկիր մոլորակից 103,5 մլն կմ հեռավորության վրա՝ այն դեպքում, երբ մեր մոլորակի և Արեգակի միջև հեռավորությունը 150 մլն կմ է:
Այս հեռավորությունը տիեզերական հաշվակներով բավականին փոքր է, սակայն որևէ վտանգի առումով՝ մեծ: Երկրի վրա չի ազդի նաև նրա եռաթև պոչը, քանի որ այն ուղղված է այլ ուղղությամբ: Պոչ վերաբերյալ հաղորդվում է, որ երեք ճյուղերից մեկը փոշուց է կազմված, մյուս երկուսը նոր են՝ իոնային են. վերջիններից մեկի վրա գերակշռում են ածխածինն ու ցիանիդը, մյուսի վրա՝ նատրիումը:
Գիսավորն այս օրերին անզեն աչքով լավ տեսանելի է հյուսիսային կիսագնդում: Այն նկատելի է արդեն Արևի մայրամուտից մոտ 2 ժամ հետո՝ կեսգիշերին մոտ: NEOWISE-ը պետք է փնտրել հյուսիս-արևելյան հորիզոնականներում` Մեծ Արջի համաստեղության շերեփից փոքր-ինչ ձախ և ներքև:
C/2020 F3 NEOWISE գիսավորի միջուկի տրամագիծը շուրջ 5 կմ է: Այն բաղկացած է այն նյութից, որն ավելի քան 4 մլրդ տարի առաջ ընկած է եղել Արեգակնային համակարգի ձևավորման հիմքում:
Մասնագետները նշում են, որ գիսավորի պայծառությունն աստիճանաբար մեծացել է, իսկ հորիզոնականում նրա գտնվելու տեղադիրքը շաունակում է բարձրանալ: Հուլիսի 20-ից սկսած այն երևալու է ամբողջ գիշերվա ընթացքում: Թեև հյուսիսային ավելի բարձր լայնություններում այն առավել լավ է երևում, սակայն Հայաստանի տարածքից ևս այն արդեն նկատելի է:
Արժե բաց չթողնել հնարավորությունը՝ տեսնել և լուսանկարել C/2020 F3 NEOWISE-ը, քանի որ այն հաջորդ անգամ մեր համակարգին կմոտենա 6,8 հազարամյակ անց:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…