Սենատի ընդունած բանաձևերը խորհրդատվական բնույթ ունեն: Սենատից բացի՝ բանաձևը պետք է ընդունվի նաև Ազգային ժողովի կողմից: Դրանից հետո միայն երկրի նախագահը կարող է ստորագրել կամ չստորագրել այն: Մինչ այժմ բացասական դիրքորոշում կառավարությունը չի արտահայտել՝ չնայած Թուրքիայի և Ադրբեջանի ճնշումներին:
Ֆրանսիայի Սենատ / © RFI
Արցախի ճանաչման մասին բանաձևի քվեարկությունները կկայանան Ֆրանսիայի խորհրդարանի միանգամից վերին (Սենատ), և ստորին (Ազգային ժողով) պալատներում՝ համապատասխանաբար՝ նոյեմբերի 25-ին և դեկտեմբերի 3-ին։ Նախագիծը Սենատ են ներկայացրել տարբեր խմբակցությունների պատգամավորներ (հանրապետականներ, կենտրոնամետներ և այլն), այն ստորագրել են Սենատի առաջին ամենախոշոր 5 քաղաքական խմբակցությունների նախագահները, իսկ Ազգային Ժողով ներկայացրել են հանրապետականների խմբակցության պատգամավորները:
Բանաձևի նախագիծը Ֆրանսիայի կառավարությանն առաջարկում է ապահովել ԼՂՀ բնակչության անվտանգության երաշխիքներ և սկսել նրա ճանաչման գործընթացը, անհապաղ մարդասիրական օգնություն ուղարկել այնտեղ, ինչպես նաև եվրոպացի գործընկերների հետ միասին վերանայել ԵՄ-ին Թուրքիայի անդամակցման գործընթացը։
Մինչև խորհրդարանում քվեարկելը՝ կառավարությունը կարող է անընդունելի համարել այն (veto կիրառել), եթե բանաձևը կառավարությանը անիրագործելի գործողությունների կատարման է կպարտավորեցնի, սակայն այս առումով բացասական պատասխան դեռևս չի ստացվել:
Վիեն քաղաքի փոխքաղաքապետ Լևոն Սաքունցը հայտնել է, որ չնայած դրական քվեարկելու վերաբերյալ նախնական պայմանավորվածություն կա բոլոր կուսակցությունների մեջ, սակայն Թուրքիայի և Ադրբեջանի կողմից մեծ ճնշում է գործադրվում:
Շեշտվում է, որ Սենատի ընդունած բանաձևերը խորհրդատվական բնույթ ունեն. գործադիրը դրանք ընդունում է ի գիտություն և պարտավոր չէ կատարել: Այս բանաձևը Ֆրանսիայի կառավարության կողմից մեխանիկական գործողություններ չի ենթադրում: Սենատից բացի՝ բանաձևը պետք է ընդունվի նաև Ազգային ժողովի կողմից, որտեղ քվեարկությունը դեկտեմբերի 3-ին է: Դրանից հետո միայն երկրի նախագահը կարող է ստորագրել կամ չստորագրել այն:
Ֆրանսիան ԵԱՀԿ Մինսկի խմբի համանախագահ է, և նրա ձայնն Արցախի հարցի լուծման առնչությամբ էական նշանակություն ունի: Բացի այդ, ինչպես նշում է Վիենի փոխքաղաքապետը, Ֆրանսիայի կողմից Արցախի անկախության ճանաչումը կարող է նոր ալիքի սկիզբ լինել. այլ երկրներ նույնպես կհետևեն Ֆրանսիայի օրինակին:
«Հանրապետականներ» կուսակցության խմբակցության նախագահ Բրյունո Ռետայոն նշել է, որ միայն անկախությունը կարող է հուսալիորեն երաշխավորել Լեռնային Ղարաբաղի բնակչության իրավունքներն ու ազատությունները և պաշտպանել թուրքական իսլամիստական էքսպանսիայից:
UPD. Ֆրանսիայի Սենատն ընդունել է Լեռնային Ղարաբաղի անկախության ճանաչման մասին բանաձևի նախագիծը։ Քվեարկությանը մասնակցել է Սենատի 306 անդամ, դեմ է եղել նրանցից միայն մեկը։ Այս նախագծով Ֆրանսիայի կառավարությանն առաջարկվում է ճանաչել Լեռնային Ղարաբաղի Հանրապետությունը։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…