Ռուսաստանն արգելել է լոլիկի և խնձորի ներմուծումն Ադրբեջանից: Սակայն մի շարք փորձագետների համոզմամբ՝ Մի-24-ի կործանման համար Ալիևի ներողությունը, լոլիկներն ու խնձորները «շատ քիչ են, շատ քիչ...». ռուսական կողմը պահանջում է պատժել մեղավորներին:
Ռուսական ուղղաթիռը խոցվել է Երասխ համայնքի տարածքում՝ նոյեմբերի 9-ին / © TASS
ՌԴ գյուղատնտեսական վերահսկողության մարմնի (Россельхознадзор) որոշմամբ՝ 2020թ. դեկտեմբերի 10-ից ժամանակավորապես արգելվում է լոլիկի և խնձորի ներմուծումն Ադրբեջանից: Պատճառներ են նշվում նախկինում ներկրված նույն ապրանքներում մակաբույծների հայտնաբերումը:
Սակայն բազմաթիվ փորձագետների կարծիքով՝ արգելքն ավելի խորը արմատներ ու պատճառներ ունի: Օրինակ՝ Ռուսաստանը փորձում է Ադրբեջանին պատժել Հայաստանի տարածքում ռուսական Մի-24 ուղղաթիռի ոչնչացման գործի հետաքննությունը ձգձգելու համար: Հիշեցնենք՝ Բաքուն ստանձնել էր ռուսական հարվածային ուղղաթիռին հարվածելու պատասխանատվությունը՝ խոստանալով պատժել մեղավորներին:
Որոշ փորձագետների համոզմամբ՝ Մի-24-ի կործանման համար Ալիևի ներողությունը, լոլիկներն ու խնձորները «շատ քիչ են, շատ քիչ…»: Հնչում են հարցադրումներ՝ արդյո՞ք Ադրբեջանն աղետի վերաբերյալ հետաքննություն է տանում, թե՞ միայն ռուս լրագրողների նկատմամբ են դրանք կատարվում, որտե՞ղ են մեղավորները, նրանք ձերբակալվա՞ծ են, հարցաքննվե՞լ են: Հիշեցնում են նաև, որ Սիրիայում թուրքական F-16-ով ռուսական Սու-24-ին հարվածելուց 9 ամիս անց են մեղավոր օդաչուները ձերբակալվել (հեղաշրջման փորձից հետո):
Սակայն դեպքից օրեր անց ՌԴ-ում Ադրբեջանի դեսպան Փ. Բյուլբյուլօղլին, մեկնաբանելով ռուս օդաչուների մահվան դրվագը, նշել էր. «Պատերազմում, ինչպես՝ պատերազմում»: Սրան ռուսական կողմը շատ կոշտ պատասխանել էր՝ շեշտելով, որ հարցին նույն սկզբունքով մոտենալու դեպքում «հետևանքները կործանարար կլինեին»:
Կարծիքների մի մասը դեսպանի հենց այդ խոսքերն են ադրբեջանական ապրանքների ներմուծման արգելքի հիմք համարում՝ պնդելով նաև, որ ռուսական ուղղաթիռը միտումնավոր է խոցվել. Մի-24-ն օդ է բարձրացել Էրեբունի օդանավակայանից, որտեղից ցանկացած թռիչք (նույնիսկ՝ խաղաղ ժամանակ) դիտարկվում է Արարատի վրա տեղակայված թուրքական ռադիոլոկացիոն և օպտիկական համակարգերի կողմից: Այդ դեպքում դժվար է ենթադրել, թե ադրբեջանաթուրքական դաշինքը տեղյակ չի եղել, թե հատկապես ինչ ուղղաթիռ է խոցում:
Բացի այդ, ըստ որոշ աղբյուրների, Ադրբեջանի ՀՕՊ ծառայություններն ուղղաթիռին հետևել են ամբողջ երթուղու ընթացքում և հարվածել են խոցման գոտուց դուրս գալուց 2-3 վայրկյան առաջ:
Այդպիսով, ռուս օդաչուները զոհվել են ոչ թե «դժբախտ պատահարի» հետևանքով, այլ՝ ծրագրված հարձակման և ռազմական պրովոկացիայի, որը կազմակերպվել էր ադրբեջանաթուրքական հրամանատարության կողմից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…