Ընդամենը 2 օրվա ընթացքում 64 միլիոն դիտում, ևս 2 միլիոնը՝ ուղիղ եթերի ժամանակ. քննադատվող արվեստագետի նկատմամբ նման ուշադրության հետ ոչ բոլորն են համաձայն:
Ապրիլի սկզբին ամերիկացի ռեփեր Դանիել Էրնանդեսը (6ix9ine կամ Tekashi69), ում գործը լայնորեն քննարկվել է ԶԼՄ-ներում ու սոցցանցերում, ժամկետից շուտ ազատվել է բանտից: Նրան սպառնում էր 47 տարվա ազատազրկում՝ թմրանյութերի վաճառքով, սպանություններով ու գողություններով զբաղվող հանցավոր խմբավորմանն անդամակցելու պատճառով: Սակայն 2019թ. դեկտեմբերիին նա ընդամենը երկու տարվա ազատազրկման է դատապարտվել՝ ազատ արձակվելով 4 ամիսը չլրացած:
Ներկայումս երաժիշտը տնային կալանքի տակ է՝ աստմայի և կորոնավիրուսի պատճառով: Դատավորը համաձայնել է, որ բանտում վարակվելու հավանականությունն ավելի մեծ է, իսկ արվեստագետի համար՝ վտանգավոր:
6ix9ine-ը պատժի մեծ ժամկետ չի ստացել, քանի որ 2019թ. հետաքննության հետ գործարքի է գնացել. ճանաչել է իր մեղավորությունը մի շարք գողությունների համար, ցուցմունք է տվել նախկին խմբակիցների դեմ: Ռեփերի գործը դարձել է առանձնակի ռեզոնանսային նաև նրա համբավի առումով. օրինակ՝ նա երգում էր թմրանյութի, խմբավորման հանցանքների մասին, զենք էր ցուցադրում:
Մայիսի 8-ին 6ix9ine-ը բանտից ազատվելուց հետո իր առաջին տեսահոլովակն է հրապարակել՝ «Gooba» երգի հիման վրա: Հոլովակը 43 մլն դիտում է ունեցել մեկ օրում և YouTube-յան նոր ռեկորդ է սահմանել հիփ-հոփ երգերի համար: Մինչ այդ այն պատկանում էր Էմինեմին՝ Machine Gun Kelly երգով՝ առաջին 24 ժամում 38 մլն դիտումով:
«Gooba» երգում անսպասելի ոչինչ չկա. տիպային 6ix9ine՝ «դու զայրանում ես, որ ես վերադարձել եմ» բառերով:
Առավել արտասովոր է եղել 6ix9ine-ի ինստագրամյան ուղիղ եթերը: Այն տևել է ընդամենը 14 րոպե և հավաքել շուրջ 2 մլն դիտում: ԶԼՄ-ներում այն անվանել են սոցցանցերի համար ռեկորդային:
Եթերի ժամանակ Էրնանդեսը պատասխանել է մեղադրանքին, թե մատնել է հանցավոր խմբավորմանը: «Նա առնետ է, նա առնետ է, նա առնետ է: Եվ այդ առնետը իմ տեսքով տուն է վերադառնում և միևնույն է՝ ավելի քան դիտում է ունենում, քան՝ դո՞ւ: Ես նույնպես մոխիր կլինեի». նշել է 6ix9ine-ը:
Իր տեսահոլովակով ու ինստագրամյան եթերով 6ix9ine-ը իր վրա է վերադարձրել հանրության ուշադրությունը: Սոցցանցերում բազմաթիվ են արձագանքերը ոչ միայն նրանց, ովքեր ուրախ են ռեփերի վերադարձի համար, այլև նրանց, ովքեր իրեն քննադատում են հանցագործությունների, «նիգեր» բառն օգտագործելու և կանանց նկատմամբ վերաբերմունքի համար:
Հավելենք, որ Էրնանդեսը տնային կալանքի տակ կլինի մինչև հուլիսի 31-ը: Ռեփերի ազատ արձակումը քննարկվել է ոչ միայն նրա հայտնիության համար: ԱՄՆ-ում ներկայումս բուռն քննարկվում են բանտերում սոցիալական հեռավորության անհնարինությունը և բանտարկյալների շրջանում այլ խնդիրները: Սակայն ոչ բոլորի դիմումներին են ընդառաջում և կալանքը փոխարինում տնայինով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…