Covid-19-ի հաստատված նոր դեպքերի թիվը Հայաստանում 439 է
Վերջին 24 ժամում կորոնավիրուսից մահացել է 16 մարդ, առողջացել են 560-ը: Փաստացի բուժում է ստանում 10032 պացիենտ: Մահացածներից մեկը բուժաշխատող էր:
ՀՀ ԱՆ Հիվանդությունների վերահսկման և կանխարգելման ազգային կենտրոնի հաղորդմամբ՝ կորոնավիրուսով վարակվածության հաստատված դեպքերի թիվը Հանրապետությունում հասել է 35693-ի: Մինչ օրս կատարվել է 149898 թեստավորում: Նախորդ օրը կատարված թեստերից 1279-ը բացասական են եղել:
Covid-19-ից մահացածների թիվը հասել է 678-ի: Նախորդ օրը մահացած պացիենտները եղել են 60 (տղամարդ), 73 (տղամարդ), 66 (կին), 56 (կին), 60 (տղամարդ), 76 (տղամարդ), 69 (կին), 71 (տղամարդ), 49 (տղամարդ), 78 (տղամարդ), 54 (կին), 85 (կին), 85 (կին), 73 (տղամարդ), 61 (կին) և 59 (կին) տարեկան։ Հաղորդվում է, որ բոլորն ունեցել են ուղեկցող քրոնիկական հիվանդություններ։
ԱՆ մամուլի խոսնակ Ալինա Նիկողոսյանը հայտնել է, որ մահվան դեպքերից մեկն արձանագրվել է բուժաշխատողի մոտ. 59-ամյա Սիրանուշ Հարությունյանն աշխատում էր «Սուրբ Գրիգոր Լուսավորիչ» բժշկական կենտրոնի պոլիկլինիկայում` որպես մանկաբույժ: Հաղորդվում է, որ նա ներգրավված չի եղել կորոնավիրուսային հիվանդության դեմ պայքարի աշխատանքներում և աշխատանքի վայրում չի վարակվել:
Առողջացածների ընդհանուր թիվը դարձել է 24766՝ վերջին օրվա ընթացքում ավելանալով 560-ով: Փաստացի բուժում ստացող պացիենտների թիվը 10032 է:
Մեկնաբանությունները