«Ռուսական ոճի», «անճաշակ», «տգեղ» դիզայն. ի՞նչ էր նախատեսվում, ի՞նչ ստեղծվեց

Արդարադատության նախարարի պաշտոնակատարն օրերս հրապարակեց տեղեկատվություն Երևանում Պարեկային ոստիկանության ծառայության մեկնարկի մասին` հրապարակելով նաև ծառայողական մեքենաների նկարները:

Նոր պարեկային ոստիկանության ծառայողական մեքենաների արտաքին տեսքը քաղաքացիների և օգտատերերի կողմից բուռն քննարկման առարկա է դարձել: Մասնավորապես` նոր` ընդունված տեսքը համարվում է «ավելի վատը», քան ստեղծվել էր բրենդային հարթակում:

Ոմանք իշխանություններին մեղադրել են «սև ու սպիտակի» փոխարեն «ռուսական ոճի», «անճաշակ», «տգեղ» դիզայն ընտրելու, «անիմաստ ծախսեր անելու» մեջ:

Հավելենք, որ առաջիկայում նախատեսվում է նոր պարեկային ծառայության համակարգ ներդնել նաև Լոռու և Շիրակի մարզերում: Բադասյանի խոսքով` առաջիկայում կհրապարակվի ընդունելության հայտարարությունը։