Եվրամիությունը կօգնի կարճ ժամկետում վերականգնել Հայաստանի տնտեսությունը — Շեշտ.am (shesht.am)
3 րոպե
Խմբագրություն

Եվրամիությունը կօգնի կարճ ժամկետում վերականգնել Հայաստանի տնտեսությունը

Եվրահանձնաժողովի ընդլայնման և հարևանության քաղաքականության հարցերով հանձնակատար Օլիվեր Վարհեին և փոխվարչապետ Մհեր Գրիգորյանը քննարկել են համաճարակի և Արցախյան պատերազմի հետևանքով Հայաստանում ստեղծված իրավիճակը, ներկայացվել են զարգացման ծրագրերը:

Օլիվեր Վարհեի / © EP

Եվրահանձնաժողովի ընդլայնման և հարևանության քաղաքականության հարցերով հանձնակատար Օլիվեր Վարհեին Երևանում Հայաստանի փոխվարչապետ Մհեր Գրիգորյանի հետ համատեղ մամուլի ասուլիսի ժամանակ հայտարարել է, որ Եվրամիությունը բարեփոխումների իրականացման հարցում Հայաստանի գլխավոր գործընկերն է: Նա բարձր է գնահատել հայկական կողմի պատրաստակամությունը` մի շարք բարեփոխումների իրականացման վերաբերյալ:

Վարհեիի խոսքով` Երևանում քննարկելու է համաճարակի, Արցախյան պատերազմի հետևանքով ստեղծված իրավիճակը: Ընդգծել է, որ Հայաստանը տնտեսական զարգացման համար չի կարող ժամանակ կորցնել, այդ պատճառով բոլոր քաղաքացիները պետք է պատվաստվեն:

Եվրահանձնակատարը ցավակցություն է հայտնել 2020թ. աշնանը Արցախի դեմ պատերազմի հետևանքով զոհվածների կապակցությամբ: Ռազմական գործողությունների հետևանքով տուժածների աջակցության նպատակով Եվրամիությունը 9-10 մլն եվրո է հատկացրել: Վարհեիի խոսքով` ԵՄ-ն պատրաստ է աջակցել երկրի վերականգնմանը:

Եվրամիության ներկայացուցիչը նաև ներկայացրել է հետկորոնավիրուսային զարգացման ծրագիր, որը կօգնի հնարավորինս արագ վերականգնել աշխատատեղերն ու տնտեսությունը:

Նրա խոսքով` ԵՄ-ն մտադիր է առևտրային կապերի ուղիներ ստեղծել, որոնք կկապեն Եվրամիության տարածաշրջանները, ինչի նպատակով ամբողջ տարածաշրջանին 10 մլրդ եվրո է հատկացվելու:

Հայաստանի համար Եվրամիությունը հինգ ծրագիր է առանձնացրել, որոնք, ինչպես նշվում է, կարող են փոխել մարդկանց կյանքը: Դրանց իրականացման համար 4,5 տարվա ընթացքում ընդհանուր առմամբ 2,6 մլրդ եվրո է հատկացվելու:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

1 մեկնաբանություն
San Sarika
3 ամիս առաջ
-
0
+
srıkaner..bolor@ patvastven..gnaceq dzer azg u takın patvasteq..radnerd qasheq..ognox eq aranc patvastelu ogneq..mer poxı meratsnern el joxovrdın kotorum en ırenc shahı hamar..satkeq bolord
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.