Սմարթֆոնների մի շարք պահանջված մոդելների մոտ ճառագայթման ինտենսիվության մակարդակը մի քանի անգամ գերազանցում է թույլատրելի առավելագույն սահմանաչափը:
iPhone-ը՝ գրպանում / ©macovod.com.ua
ԱՄՆ-ի Կապի դաշնային հանձնաժողովի կողմից արտոնագրված լաբորատորիայի մասնագետները եզրակացրել են, որ Apple և Samsung ընկերությունների որոշ սմարթֆոններ չեն համապատասխանում ռադիոհաճախականության ճառագայթման սահմանված նորմերին: Հետազոտության արդյունքների հիման վրա FeganScott իրավաբանական կազմակերպությունը «սպառողների առողջության վտանգի» կապակցությամբ հայց է ներկայացրել արտադրողներին:
FeganScott-ի ներկայացուցիչների խոսքով՝ ուսումնասիրվել է 3-ական սմարթֆոն Apple-ից (iPhone 7 Plus, iPhone 8, iPhone XR) և Samsung-ից (Galaxy S8, Galaxy S9, Galaxy S10): Հետազոտության նպատակն է եղել գնահատել բարձր հաճախականության ճառագայթումը, որը գեներացվում է այն պահին, երբ հեռախոսը գտնվում է մարմնին անմիջապես մոտ կամ հպված: 2 միլիմետրանոց տիրույթում iPhone 8-ի և Samsung Galaxy S8-ի ճառագայթման ալիքների երկարությունը կրկնակի գերազանցել է թույլատրելի առավելագույն սահմանաչափը, իսկ սուբմիլիմետրային տիրույթում այս մոդելների ինտենսիվ ճառագայթման ցուցիչները գերազանցել են համապատասխանաբար 5 և 3 անգամ:
FeganScott-ի գլխավոր մենեջեր Բեթ Ֆեգանը նշել է, որ արտադրողները վստահեցրել են, թե իրենց սմարթֆոններն անվտանգ են, բայց դա այդպես չէ: Նրա խոսքով՝ անկախ չափման արդյունքում հաստատվել է, որ ճառագայթման մակարդակն էականորեն գերազանցում է ազդեցության դաշնային սահմանաչափը. սպառողները պետք է տեղեկանան այդ մասին: Դատարան ներկայացված հայցով պահանջվում է Apple և Samsung ընկերությունների հեռախոս օգտագործողներին հասցված վնասի փոխհատուցում և բժշկական ծախսերի հոգում:
Նույն օրը հրապարակվել է նաև ԱՄՆ Դաշնային հանձնաժողովի զեկույցը` նույն թեմայով: Այստեղ հակասական եզրակացություն է եղել: iPhone 7, X և XS, Samsung Galaxy S9 և J3 մոդելների սմարթֆոնների ճառագայթման չափը չի գերազանցում սահմանված նորմերը: Աղբյուրում նշվում է, որ այս հետազոտությունն անցկացվել է 5-15 մմ ալիքների երկարության տիրույթում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…