Apple-ին ու Samsung-ին դատի են տվել՝ սմարթֆոնների գերբարձր ճառագայթման պատճառով

Սմարթֆոնների մի շարք պահանջված մոդելների մոտ ճառագայթման ինտենսիվության մակարդակը մի քանի անգամ գերազանցում է թույլատրելի առավելագույն սահմանաչափը:

Նորություններ

ՏՏ

# Apple

# Samsung

# Ճառագայթում

# Սմարթֆոններ

iPhone-ը՝ գրպանում / ©macovod.com.ua / Автор: неизвестен, фото предоставлено пользователем

ԱՄՆ-ի Կապի դաշնային հանձնաժողովի կողմից արտոնագրված լաբորատորիայի մասնագետները եզրակացրել են, որ Apple և Samsung ընկերությունների որոշ սմարթֆոններ չեն համապատասխանում ռադիոհաճախականության ճառագայթման սահմանված նորմերին: Հետազոտության արդյունքների հիման վրա FeganScott իրավաբանական կազմակերպությունը «սպառողների առողջության վտանգի» կապակցությամբ հայց է ներկայացրել արտադրողներին:

FeganScott-ի ներկայացուցիչների խոսքով՝ ուսումնասիրվել է 3-ական սմարթֆոն Apple-ից (iPhone 7 Plus, iPhone 8, iPhone XR) և Samsung-ից (Galaxy S8, Galaxy S9, Galaxy S10): Հետազոտության նպատակն է եղել գնահատել բարձր հաճախականության ճառագայթումը, որը գեներացվում է այն պահին, երբ հեռախոսը գտնվում է մարմնին անմիջապես մոտ կամ հպված: 2 միլիմետրանոց տիրույթում iPhone 8-ի և Samsung Galaxy S8-ի ճառագայթման ալիքների երկարությունը կրկնակի գերազանցել է թույլատրելի առավելագույն սահմանաչափը, իսկ սուբմիլիմետրային տիրույթում այս մոդելների ինտենսիվ ճառագայթման ցուցիչները գերազանցել են համապատասխանաբար 5 և 3 անգամ:

FeganScott-ի գլխավոր մենեջեր Բեթ Ֆեգանը նշել է, որ արտադրողները վստահեցրել են, թե իրենց սմարթֆոններն անվտանգ են, բայց դա այդպես չէ: Նրա խոսքով՝ անկախ չափման արդյունքում հաստատվել է, որ ճառագայթման մակարդակն էականորեն գերազանցում է ազդեցության դաշնային սահմանաչափը. սպառողները պետք է տեղեկանան այդ մասին: Դատարան ներկայացված հայցով պահանջվում է Apple և Samsung ընկերությունների հեռախոս օգտագործողներին հասցված վնասի փոխհատուցում և բժշկական ծախսերի հոգում:

Նույն օրը հրապարակվել է նաև ԱՄՆ Դաշնային հանձնաժողովի զեկույցը` նույն թեմայով: Այստեղ հակասական եզրակացություն է եղել: iPhone 7, X և XS, Samsung Galaxy S9 և J3 մոդելների սմարթֆոնների ճառագայթման չափը չի գերազանցում սահմանված նորմերը: Աղբյուրում նշվում է, որ այս հետազոտությունն անցկացվել է 5-15 մմ ալիքների երկարության տիրույթում:

Нашли опечатку? Выделите фрагмент и нажмите Ctrl + Enter.