Facebook-ի օգտատերերի 419 մլն-անոց համարների բազան համացանցում է հայտնվել

Ֆեյսբուքյան օգտատերերի 419 մլն համարներով տվյալների բազան հայտնվել է համացանցում: Տեղեկատվությունը ներառում է նաև սոցցանցերում հաշիվների ID-ները, ծննդյան ամսաթվերը, հայրենի քաղաքը, երկիրը և սեռը:

Չպաշտպանված սերվերում պահպանված են եղել տվյալներ ամբողջ երկրից՝ 133 մլն տեղեկություն ամերիկացիների վերաբերյալ, 18 մլն՝ բրիտանացիների և ավելի քան 50 մլն վիետնամցիների տվյալ: Սերվերը գաղտնաբառ չի ունեցել, այդ պատճառով ցանկացողները կարող էին առանց խոչընդոտի ստանալ դրանք: Մուտքը դեպի սերվեր փակելու համար հոստթինգ-պրովայդերին դիմել են լրագրողները:

Facebook-ի ներկայացուցիչ Ջեյ Նանքերոուն հայտարարել է, որ հայտնաբերված բազան ներառում է հնացած տվյալներ: Նրա խոսքով՝ տեղեկատվությունը հավաքվել է մինչև սոցկայքի կողմից համարների հասանելիությունը փակելը:

Նրա կարծիքով՝ արտահոսքը տեղի է ունեցել մինչև նախորդ տարվա փոփոխությունները, երբ Facebook-ը բացառել է հեռախոսահամարների միջոցով ընկերներ ավելացնելու տարբերակը:

Հայտնի չէ, թե ո՞վ, ինչպե՞ս և ինչո՞ւ է հավաքել այդ տվյալները: Կայքը API-ով հեռախոսահամարների հավաքագրումն արգելել է դեռևս 2011թ., հետագայում՝ 2018թ. սկանդալից հետո, ընկերների հաշիվներից տվյալների հավաքագրումը սահմանափակվել է: Այդուհանդերձ՝ վերջին տվյալները բազա են ներբեռնվել 2019թ. հուլիսին:

Այդպիսի հեռախոսահամարները կարող են օգտակար լինել չարամիտների համար: Օգտատերերը կարող են կեղծ զանգերի զոհ դառնալ, ինչպես նաև SIM քարտերի առևանգման ենթարկվել, հաքերները կարող են վերահսկողություն հաստատել համարի նկատմամբ, չեղարկել գաղտնաբառերը տարբեր ծառայություններում ու սոցկայքերում:

Սա Facebook-ից տվյալների առաջին արտահոսքը չէ: 2018թ. մարտին ընկերությունը սկանդալի մեջ էր հայտնվել՝ ԱՄՆ-ում ընտրությունների պատճառով: Cambridge Analytica վերլուծական կազմակերպությունը հասանելիություն էր ստացել սոցցանցի 80 մլն նկարներին, որոնք օգտագործել է Դոնալդ Թրամփի առաջխաղացման համար: Երեք օր անց Մարկ Ցուկերբերգն ընդունել է սխալը և հրապարակային ներողություն խնդրել:

Էջանիշ

Պատճենել հղումը

Email

Տպել

Twitter

VK

Telegram