Գողացված անձնագրով ՀՀ առաջատար բանկերից վարկ են վերցրել. օգտատերը դժգոհ է ոստիկանությունից — Շեշտ.am (shesht.am)
7 րոպե
Խմբագրություն

Գողացված անձնագրով ՀՀ առաջատար բանկերից վարկ են վերցրել. օգտատերը դժգոհ է ոստիկանությունից

Քաղաքացին ահազանգում է, որ ոստիկանության անգործության պայմաններում իր անձնագրով վարկեր ու ապառիկներ են ձևակերպում: Քննիչները հեռախոսազանգին չեն պատասխանել: Ֆեյսբուքյան հրապարակումից հետո նոր համակարգն արձագանքել է:

Խաչատուր Միքայելյան / ©Хачатур Микаелян

Ֆեյսբուքյան օգտատերերից Խաչատուր Միքայելյանը հրապարակում է տարածել` պատմելով տեղի ունեցած դեպքի և ոստիկանության անգործության մասին: Նրա խոսքով` իր գողացված անձնագրով արդեն 8 օր շարունակ Հայաստանի առաջատար բանկերից վարկեր ու հայտնի խանութներից ապառիկ են ձևակերպում:

Քաղաքացին հայտնել է, որ նոյեմբերի 22-ի առավոտից փորձում է կապ հաստատել քննիչների հետ։ Վերջիններս չեն պատասխանում։ Խաչատուր Միքայելյանի հաղորդմամբ` նոյեմբերի 14-ին իր պայուսակը, որի մեջ անձնագրից բացի եղել են նաև գումար, այլ իրեր, թողել է տաքսիներից մեկում:

Նրա խոսքով՝ ապօրենի գործարքներ կատարողի մասին բոլոր տվյալները հայտնի են նոյեմբերի 15-ից, հիմնավոր բոլոր ապացույցները ոստիկանություն են ներկայացվել նոյեմբերի 17-ին, բացահայտ հանցագործության մասին /Մոլի գործարք/ հաղորդում է տվել նոյեմբերի 19-ին։ Քաղաքացին իր դժգոհությունն է հայտնել ոստիկանությունից` շեշտելով, որ ինքն անձամբ կարողացել է բավականին շատ տվյալներ ձեռք բերել, նույնիսկ դրանք փոխանցել ոստիկանությանը, սակայն իրավապահ կառույցն անգործություն է դրսևորում:

Ստորև ներկայացնում ենք ֆեյսբուքյան օգտատիրոջ հայտարարությունը.

Իրավապահների անգործությունը, կամ ինչպես դառնալ միլիոնատեր ուրիշի անձնագրով։Ժողովուրդ ջան ուզում եմ բոլորիդ հետ կիսվեմ…

Опубликовано Хачатуром Микаеляном Пятница, 22 ноября 2019 г.

Հայտարարությանն արձագանքել է պատգամավոր Գևորգ Գորգիսյանը՝ դիմելով ոստիկանության պետի ժամանակավոր պաշտոնակատար Արման Սարգսյանին:

Ավելի ուշ Խաչատուր Միքայելյանը գրառում է կատարել՝ նշելով, որ Ֆեյսբուքում գրառում դնելուց հետո հրավիրվել է Մալաթիայի բաժին։ Երեք ժամ ոստիկանության Մալաթիայի բաժնում անցկացնելուց հետո, նրա խոսքով, պարզվել է, որ ըստ ոստիկանության՝ առերևույթ հանցանք կատարած անձին մինչ այս պահը օրենսդրական հիմքեր չկան բերման ենթարկելու համար։ Ավելին՝ նա հանգիստ կարող է հատել երկրի սահմանը գողացված միլիոններն իր հետ տանելով։

Այս կապակցությամբ վերջին տեղեկությունը հետևյալն է՝

Ֆեյսբուքյան օգտատեր Խաչատուր Միքայելյանի անձնական էջում տեղադրված հրապարակման հիման վրա ՀՀ ոստիկանության ներքին անվտանգության վարչությունը ուսումնասիրություն է կատարում։

Опубликовано ՀՀ ոստիկանություն / Police of the Republic of Armenia Суббота, 23 ноября 2019 г.

Ոստիկանությունից դժգոհ են

Վերջին շրջանում տարածված տեղեկությունները փաստում են ոստիկանական համակարգում բարեփոխումների իրականացման անհրաժեշտությունը, ինչի մասին շատերն են բարձրաձայնում: Մասնավորապես, օրերս տեսանյութ էր տարածվել, որտեղ ոստիկանական բաժանմունքում իրավապահները քաղաքացուց ցուցմունք են կորզում՝ նրա նկատմամբ կիրառելով անմարդկային միջոցներ:

Ուշադրություն. տեսանյութում կան հայհոյանքներ:

Ծեծելով ցուցմունք են կորզում / ©NewsMedia

Տեսանյութին արձագանքել է Մարդու իրավունքների պաշտպան Արման Թաթոյանը: Թեև հայտնի չէ տեսանյութի վաղեմությունը, բայց լրագրողները, օգտատերերն ու պաշտոնյաները կոչ են արել մանրամասն բացահայտել տեղի ունեցածը, մասնակիցներին ու նրանց ղեկավարներին:

Այս տեսանյութի կապակցությամբ պետք է անմիջապես նախաձեռնվի քրեական վարույթ։ Ստուգողական բոլոր գործողությունները պետք է…

Опубликовано Arman Tatoyan Четверг, 21 ноября 2019 г.

Մեկ այլ դեպք. Միջազգային և անվտանգության հարցերի հայկական ինստիտուտի հիմնադիր, քաղաքագետ Ստյոպա Սաֆարյանի նկատմամբ բռնություն էին գործադրել տան շքամուտքի մոտ, առևանգել բջջային հեռախոսը: ՄԱՀՀԻ հիմնադիրը դիմել էր ոստիկանություն: Տևական ժամանակ իրավապահների կողմից արդյունք չստանալով՝ նա վարձել է մասնավոր դետեկտիվ: Վերջինս բացահայտել է ամբողջ սխեման:

29 հոկտեմբերի, 2019թ. ՀՀ վարչապետ մեծարգո պարոն Նիկոլ Փաշինյանին Nikol Pashinyan / Նիկոլ ՓաշինյանՀՀ ոստիկանության…

Опубликовано Styopa Safaryan Понедельник, 28 октября 2019 г.

Սաֆարյանը ցավով արձանագրել է, որ ՀՀ իրավապահ մարմիններն ունակ չեն ավելի բարդ հանցագործություններ բացահայտել: Նրա խոսքով՝ առկա տեսանյութերի, իրականացված այլ միջոցառումների արդյունքում հնարավոր չէ պարզել այն, ինչն ինքը և իր մասնավոր դետեկտիվը վաղուց են պարզել՝ սկսած վճարման մեխանիզմից, պատվիրատուից մինչև կատարողներ ու օժանդակողներ:

Ամենաընթերցվածը

2 րոպե
Խմբագրություն

Տեղեկություն է ստացվել, որ Գյումրիում տեղակայված ռուսական 102-րդ ռազմաբազան ուժեր է տեղափոխում Հայաստանի Սյունիքի մարզ, ուր ներխուժել են ադրբեջանցի զինվորականներ:

2 րոպե
Խմբագրություն

Թուրքիայի նախագահ Էրդողանը հայտարարել է, որ Անկարան սկսում է աջակցել Գազայի հատվածին, ինչպես աջակցել է Ադրբեջանին` Արցախի դեմ պատերազմում: Համարվում է, որ դա կնշանակի լայնածավալ մասնակցություն Իսրայելի դեմ պատերազմին:

1 րոպե
Խմբագրություն

Տանկային ստորաբաժանումները զորավարժությանը ներգրավված այլ ստորաբաժանումներին հնարավորություն են ապահովել նպաստավոր դիրքերի զբաղեցման և պայմանական հակառակորդի գործողությունների վերահսկման համար։

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.