Բենքսին Սուրբծննդյան առանձնահատուկ գրաֆիտի է նվիրել Բիրմինգհեմին
Նկարում եղջերուները բրիտանական քաղաքի նստարանը վեր են բարձրացնում՝ նրա հետ «տանելով» անտուն թափառականին:
Բրիտանացի գեղանկարիչ Բենքսին Բիրմինգհեմ քաղաքում նոր գրաֆիտի է նկարել` նվիրված սուրբծննդյան թեմային: Նա նկարել է քաղաքային նստարանի հետ վեր բարձրացող եղջերուների՝ տեսանյութ պատրաստելով և հրապարակելով Instagram-ում:
Բենքսին պատմել է, որ նկարահանմանը մասնակցել է Ռայան անունով մի թափառական: Տեսանյութը նկարահանվել է 20 րոպեի ընթացքում: Անցորդներն այդ ժամանակ Ռայանին տաք խմիչք ու շոկոլադ են հյուրասիրել: Նկարիչը գրառել է՝ «Աստված, օրհնիր Բիրմինգհեմը»:
Հոկտեմբերի կեսերին Բենքսին իր սեփական ինտերնետ-խանութն է բացել, որտեղ գնորդները կարող են ձեռք բերել նրա աշխատանքները: Ի տարբերություն դասական խանութների՝ այստեղ հնարավոր չէ պարզապես գնել ապրանքը. յուրաքանչյուր ցանկացող կարող է որևէ ապրանքի հայտ ներկայացնել, բայց բաժին կարող է հասնել պատահական ապրանք:
Մեկնաբանությունները