BBC-ի լրագրողը փորձել է նկարահանել Սուրբ Մարիամ Աստվածածին եկեղեցին, որի պղծման մասին փաստող տեսանյութ ադրբեջանցի զինվորներն ավելի վաղ հրապարակել էին, սակայն տեղում եկեղեցին չի գտել:
Մեխակավանի եկեղեցին` 2017 և 2021 թվականներին / © BBC, Armenpress
Ադրբեջանցի ոստիկանի խոսքով` իրենք որևէ տեղեկություն չունեն եկեղեցու մասին: Լրագրող Ջոնահ Ֆիշերը հեռախոսի միջոցով տեղորոշել է եկեղեցու գտնվելու վայրը և օպերատորի հետ մեկնել այնտեղ: Սուրբ Մարիամ Աստվածածին եկեղեցու ենթադրյալ գտնվելու վայրում` բլրի վրա, ոչ մի եկեղեցի չի հայտնաբերվել: Գետնին թափված քարերն են միայն խոսել այն մասին, որ հնարավոր է` եկեղեցին հենց այդտեղ եղած լինի:
Բրիտանական պարբերականի լրագրողը համեմատել է եկեղեցու հին նկարի տեղանքը և համոզվել, որ ճիշտ վայրում են, որտեղ, սակայն, արդեն եկեղեցի չկա:
Լրագրողը կրկին դիմել է ուղեկցող ոստիկանին. վերջինս պատասխանել է, որ այն ոչնչացվել է պատերազմի ժամանակ: Ֆիշերն ընգծել է, սակայն, որ եկեղեցին չէր կարող պատերազմի ժամանակ ոչնչացված լինել, քանի որ պատերազմից հետո դեռևս կանգուն եկեղեցին տեսանյութում երևում է:
Լրագրողը լուսանկարները ցույց է տվել նաև Ալիևի խորհրդական Հիքմեթ Հաջիևին: Վերջինը տարակուսանք է հայտնել, նշել, թե ինքը տեղյակ չէ, և որ տեղեկությունը պետք է ստուգել:
Հիշեցնենք, որ Արցախի հարավում` Մեխակավանում գտնվող հայկական եկեղեցին օծվել էր 2017թ.:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…