Թուրքիան զինտեխնիկա է կուտակում Հայաստանի հետ սահմանին. իրանական աղբյուրներ
Նշվում է, որ զինտեխնիկայի տեղափոխման նպատակը Հայաստանի Սյունիքի մարզում գործողություններն են: Իրանական աղբյուրը շեշտում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:
Իրանական աղբյուրները թուրքական զինտեխնիկայի լուսանկարներ են տարածել` նշելով, որ Թուրքիան ուժեղացնում է Հայաստանի հետ սահմանին: Հաղորդվում է, որ այդ տեխնիկան նախկինում կիրառվել է Սիրիայում, իսկ ներկայումս զորավարժությունների անվան տակ տեղափոխվել են Հայաստանի հետ սահմանային գոտի:
Աղբյուրը նշում է, որ զինտեխնիկայի տեղափոխման նպատակը Հայաստանի Սյունիքի մարզում` հայ-իրանական սահմանի հատվածում գործողություններն են:
Հաղորդվում է, որ Անկարան և Բաքուն մտադիր են հարձակվել Սյունիքի մարզի վրա և երկու պետությունները միացնել իրար: Իրանը բազմիցս հայտարարել է, որ տարածաշրջանի միջազգային և աշխարհաքաղաքական սահմանների փոփոխություն` դա համարելով «Կարմիր գիծ» Իրանի համար: Ընդգծվում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:
Իրանական աղբյուրը նաև նշել է, որ Արցախյան պատերազմը սկիզբ առավ 2020թ.` ԱՄՆ-ի նախագահական ընտրություններից առաջ: Համարվում է, որ հաջորդ պատերազմը կարող է համընկնել իրանական ընտրությունների հետ կամ ավելի շուտ:
Մեկնաբանությունները