«Թուրքիայից և Ադրբեջանից օդային հարձակման դիմակայություն» դիպաշարով անցկացվելիք լայնածավալ զորավարժությունները նախատեսված էին հունվարի 10-ին, սակայն հայտնի է դարձել, որ դրանք հյուսիս-արևմտյան սահմանների մոտ կմեկնարկեն արդեն այսօր:
Իրանի Իսլամական Հանրապետությունը երկրի հյուսիս-արևմտյան սահմանների մոտ հակաօդային պաշտպանության ստորաբաժանումների լայնածավալ զորավարժություն կանցկացնի, որոնց նպատակն այդ սահմանային հատվածում զինված ուժերի պատրաստվածության ստուգումն է:
Իրանական աղբյուրներն ավելի շուտ հաղորդել էին, որ զորավարժությունը տեղի է ունենալու հունվարի 10-ին, սակայն, WarGonzo-յի տեղեկություններով, դրանք կմեկնարկեն արդեն այսօր՝ դեկտեմբերի 30-ին:
Ուշագրավ է, որ վարժանքներն անցկացվելու են Արդեբիլ, Արևելյան և Արևմտյան Ատրպատականներ նահանգներում, այսինքն՝ Թուրքիայի և Ադրբեջանի (այդ թվում՝ Նախիջևանի) սահմանների երկայնքով:
Իրանի իշխանությունները նշված նահանգների բնակիչներին տեղեկացրել են, որ «հակառակորդի օդային հարվածների դիմակայության» դիպաշարով պայմանավորված՝ գործարկվելու են օդային տագնապի համակարգերը:
Հիշեցնենք՝ դեկտեմբերի 10-ին Բաքվում Թուրքիայի նախագահը բանաստեղծություն էր արտասանել՝ տարածքային նկտրումներ արտահայտելով Իրանի նկատմամբ: Թեհրանը շատ կոշտ էր արձագանքել դրան: Թեև լարվածությունը մեղմացնող հայտարարություններ հնչեցին, սակայն իրանական կողմն, ամեն դեպքում, լուրջ անհանգստություններ ունի՝ կապված նաև իսրայելաամերիկյան սպառնալիքի հետ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…