Իրանում առաջիկայում Նովրուզի տոնն է, երբ մեծ թվով իրանցիներ այցելում են Հայաստան: Այդ կապակցությամբ ուժեղացվել է հսկողությունն ինչպես Մեղրիի անցակետում, այնպես էլ օդանավակայանում: Նախարար Թորոսյանը նաև մի քանի խորհուրդներ է հրապարակել՝ վարակներից պաշտպանվելու համար:
Բժշկական դիմակով իրանցիներ / ©Reuters
Իրանի Առողջապահության նախարարության պաշտոնական ներկայացուցիչ Կյանուշ Ջահանպուրը հայտնել է, որ երկրում նոր տեսակի կորոնավիրուսով վարակման ևս 13 դեպ է գրանցվել՝ ընդհանուր դառնալով 18: Փետրվարի 20-ին հաղորդվել էր 5 դեպքի մասին, որոնցից երկուսը մահացել են:
Գերատեսչության ներկայացուցչի խոսքով՝ նոր հիվանդների մեծ մասը՝ 7 հոգի, Ղոմ քաղաքում են, որը համարվում է շիա մուսուլմանների (նաև օտարերկրացիների համար) ուխտատեղի: Վարակվածներից 4-ը մայրաքաղաք Թեհրանում են, ևս 2-ը՝ Գիլյան գավառում: Նրանք բոլորն էլ վերջին օրերին կամ շաբաթվա ընթացքում այցելել են Ղոմ:
Հայտարարությամբ է հանդես եկել ՀՀ Առողջապահության նախարար Արսեն Թորոսյանը՝ նշելով, որ ուժեղացվել է Մեղրիի սահմանային անցակետով և օդանավով ժամանող ուղևորների հսկողությունը: Նախարարը, ուշադրություն հրավիրելով այն հանգամանքի վրա, որ առաջիկայում Նովրուզի տոնն է (իրանական Ամանոր, մարտի 20-21), երբ մեծ թվով իրանցի այցելուներ են ժամանում Հայաստան, խորհուրդ է տվել հետևել սուր շնչառական վարակները կանխարգելող կանոններին:
Որպես հավելյալ հակահամաճարակային միջոցառումներ` ուժեղացվել են Մեղրիի սահմանային անցակետով անցնող, ինչպես նաև Իրանից Հայաստան օդանավով ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում:
Նախօրեին Ղոմի Բժշկական գիտությունների համալսարանի ղեկավար Մոհամադ Ռեզա Գադիրը հայտնել էր, որ կորոնավիրուսի տարածման իրավիճակն Իրանում արտակարգ չէ և անհանգստանալու կարիք չկա:
Բացի այդ, Իրանից Կանադա վերադարձած զբոսաշրջիկի մոտ նույնպես կորոնավիրուս է հայտնաբերվել. շրջագայությունից հետո Բրիտանական Կոլումբիա քաղաք վերադարձած կնոջ մոտ, ինչպես հաղորդվում է, վարակը թեթև բնույթ է կրում, իսկ նրա մտերիմներն արդեն մեկուսացված են: Սա այս քաղաքում վարակման արդեն 6-րդ դեպքն էր:
Հաղորդվու է, որ մասնագետներն ուսումնասիրում են 30 ամյա կնոջ ճամփորդության ընթացքը, նախանշանների առաջացման մանրամասները՝ դիտարկելու նույն ինքնաթիռի մյուս ուղևորներին զգուշացնելու անհրաժեշտությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…