Իրանում արդեն 5 մարդ մահացել է կորոնավիրուսից

Նոր տեսակի կորոնավիրուսով վարակվածների թիվն Իրանում հասել 28-ի: Նրանք հիմնականում Ղոմ քաղաքում են: Վրաստանում Իրանի քաղաքացին 2 երեխաների հետ օդանավակայանից հոսպիտալացվել է՝ կորոնավիրուսի կասկածանքով:

Նորություններ

# COVID-19

# Իրան

# Համաճարակներ

# Վրաստան

Բժշկական դիմակներով իրանցիներ / ©aa.com.tr / Հեղինակ՝ անհայտ, լուսանկարը տրամադրել է օգտատերը

Իրանի Առողջապահության նախարարությունը հաղորդել է կորոնավիրուսից հինգերորդ մահվան դեպքի մասին: Ըստ պաշտոնական տեղեկությունների՝ Իրանում նոր տեսակի կորոնավիրուսով վարակվածների թիվը հասել է 28-ի: 10 նոր հիվանդներից 2-ը Թեհրանում են, իսկ 8-ը՝ Ղոմ քաղաքում: Վարակի տարածման նախնական վարկած է համարվում չինացի աշխատակիցների ներկայությունն այդ քաղաքում, որտեղ չինական ընկերությունն արևային էներգիայի կայան է կառուցվում:

Հարևան երկրներն ուժեղացրել են հսկողությունն Իրանից ժամանողների նկատմամբ: Վրաստանում Իրանի քաղաքացին երկու երեխաների հետ հոսպիտալացվել է՝ կորոնավիրուսի կասկածանքով. Իրանից ժամանած 8 և 13 տարեկան երեխաների մոտ օդանավակայանում բարձր ջերմություն է արձանագրվել: Մայրը առողջ է, բայց Վրաստանի ինֆեկցիոն հիվանդանոցում հսկողության ներքո է:

Սաուդյան Արաբիայի իշխանություններն իրենց երկրի քաղաքացիներին արգելել են այցելել Իրան, իսկ ներկայումս Իրանում գտնվողներին, ինչպես նշվում է, թույլատրելու են վերադառնալ միայն 14 օրյա կարանտինից հետո: Ավելի վաղ հաղորդվել էր, որ Իրաքը փակել է Իրանի հետ սահմանը, իսկ Քուվեյթն օդային հաղորդակցությունն է դադարեցրել:

Վրիպա՞կ գտաք։ Նշեք հատվածը և սեղմեք Ctrl + Enter։