Հայաստանը Վերին Լարսում իր մաքսային ներկայացուցիչը կունենա
Վերին Լարսի խնդիրն արդիական է, քանի որ տուժում են Հայաստանի տնտեսվարողները: Բացի այդ՝ իրանական բեռնափոխադրողները կարող ամեն պահի սկսել անցնել հայկական միջանցքով:
ՀՀ Պետական եկամուտների կոմիտեի նախագահ Դավիթ Անանյանը հայտնել է, որ շուտով հայկական կողմը Վերին Լարսի անցակետում կունենա իր մաքսային ներկայացուցիչը: Այդ կապակցությամբ արդեն կան նախնական համաձայնությունները, քննարկվում է թեկնածուի հարցը:
2020թ. պետական բյուջեի քննարկման շրջանակներում պատգամավորների հարցերին ի պատասխան՝ ՊԵԿ նախագահը նշել է, որ հարցը լուծված է այնքանով, որ ներկայացուցիչ ունենալու վերաբերյալ խնդիրները դիվանագիտական խողովակներով կարգավորվել են, հաջորդիվ քննարկվելու է թեկնածուի հարցը:
Հիշեցնենք՝ Վերին Լարսի ռուս-վրացական անցակետում պարբերաբար մի քանի կիլոմետրանոց հերթեր են գոյանում, որոնց հետևանքով տուժում են հայկական տնտեսվարողները: Խնդրին պարբերաբար անդրադառնում են ՀՀ իշխանությունները, սակայն ռուսական և վրացական կողմերի միջև առկա քաղաքական բարդ հարաբերությունները, ինչպես նաև տեղանքի դժվարամատչելիությունը հարցը լուծելուն չեն նպաստում:
Հոկտեմբերի վերջին Ազգային ժողովի մի խումբ պատգամավորներ այցելել են Վերին Լարսի անցակետ, հանդիպումներ ունեցել տեղի պաշտոնյաների հետ, տեղում ծանոթացել խնդիրներին:
Արձանագրվել է, որ մեծ խոչընդոտ է հանդիսանում բարդ տեղանքը, ինչը ճանապարհների լայնացման ու անցակետի թողունակության մեծացման համար հավելյալ խնդիրներ է առաջացնում: Հայտնի է դարձել, որ 2020թ. ռուսական կողմը նախատեսում է իրականացնել անցակետի արդիականացում, ինչի վրա կծախսվի շուրջ 1,9 մլրդ ռուբլի։
Իմ Քայլը խմբակցության պատգամավոր Վահե Հովհաննիսյանն իր հերթին Էկոնոմիկայի նախարար հիշեցրել է, որ ս.թ. հոկտեմբերի 28-ից ուժի մեջ է մտել ԵԱՏՄ անդամ-երկրների և Իրանի միջև ազատ առևտրի մասին ժամանակավոր համաձայնագիրը: Պատգամավորի խոսքով՝ իրանական բեռնափոխադրողներն ամեն պահի կարող են սկսել հայկական միջանցքն օգտագործել՝ դեպի ՌԴ անցնելու համար: Արդյունքում իրանական մեքենաները նույնպես կհայտնվեն Վերին Լարսի անցակետում՝ ավելի երկարացնելով մի քանի տասնյակ կմ-ի հասնող հերթերը:
Նախարար Տիգրան Խաչատրյանը նշել է, որ արվելու են բոլոր հնարավոր միջոցառումները՝ խնդիրը հնարավորինս շուտ լուծելու նպատակով: Հիշեցնենք՝ բացի տեղանքի բարդությունը՝ ռուս-վրացական հարաբերություններում առկա լարվածության պատճառով ընթացք չի ստանում Աբխազիայի տարածքով այլընտրանքային ուղու շահագործումը:
Հայաստանցի օգտատերերն իրենց iPhone-ների և iPad-ների համար ներբեռնում են ոչ միայն անվճար, այլև վճարովի հավելվածներ. առանձնացրել ենք ամենապահանջվածները:
ԱԱԾ նախկին տնօրեն Արթուր Վանեցյանը հայտնել է, որ բացահայտման գործում իրեն օգնել է Աշխատանքի և սոցիալական հարցերի նախարար Զարուհի Բաթոյանը:
Որպես օրինակ է նշվել լուսանկարների խմբագրման FaceApp հավելվածը, որի վերաբերյալ հարց էր բարձրացրել սենատոր Չակ Շումերը:
Հայաստանը դառնում է նոր համացանցի առաջին կենտրոնն աշխարհում: Այստեղ են հրավիրվելու արտասահմանյան ընկերություններ՝ համացանցի նոր կառուցվածքն իրենց բիզնեսի համար փորձարկելու և հետազոտական լաբորատորիաներ բացելու համար:
Երևանի համար հեղինակներն առանձնացրել են Արարատ լեռան տեսարանը, եկեղեցիները, ինչպես նաև Դոլմաման և Մարիոթը՝ որպես հեղինակավոր մարդկանց այցելած վայրեր:
Հայաստանցի օգտատերերն իրենց iPhone-ների և iPad-ների համար ներբեռնում են ոչ միայն անվճար, այլև վճարովի հավելվածներ. առանձնացրել ենք ամենապահանջվածները:
Շեշտ.am-ի դրոշն Արարատի գագաթին է. թե ինչպես այն հասավ ամենահայտնի և գեղեցիկ գագաթներից մեկը, և թե ինչու 5000 մետրից ավելի բարձրությունը հաղթահարելն այնքան էլ սարսափելի չէ:
Ֆիլմը նկարահանվել է Հայաստանում՝ Արարատյան դաշտում և ուրարտական արքաների կառուցած քաղաքների տարածքում:
Բողոքի ցույցերի լուսանկարներն ու տեսանյութերը դիտող օգտատերերը ցույցերը համեմատել են մեծ խնջույքի կամ դիսկոտեկայի հետ. իսկ իրականում ցուցարարները լազերներով կուրացնում են ոստիկանական դրոնները և տեսահսկման սարքերը:
Մեկնաբանությունները