Իրանի ԱԳ նախարարը դիվանագիտական ապտակ է հասցրել Թուրքիայի նախագահին՝ նշելով. «Էրդողանին չեն տեղեկացրել, որ Բաքվում նրա ասածները վերաբերում են Իրանական հայրենիքից բռնի ուժով առանձնացված այն տարածքներին, որոնք գտնվում են Արաքսից հյուսիս»:
Իրանի Արտաքին գործերի նախարարն անդրադարձել է Թուրքիայի նախագահի՝ Բաքվում զորահանդեսի ժամանակ արած հայտարարություններին: Ջավադ Զարիֆն Էրդողանին նախազգուշացրել է. «ՄԵՐ սիրելի Ադրբեջանի մասին ՈՉ ՈՔ իրավունք չունի խոսել»: Ի՞նչ նկատի ունի:
Այսպես, Զարիֆի խոսքով՝ Էրդողանին չեն տեղեկացրել, որ Բաքվում նրա ասածները վերաբերում են «Իրանական հայրենիքից բռնի ուժով առանձնացված այն տարածքներին, որոնք գտնվում են Արաքսից հյուսիս»:
Իրանի արտգործնախարարը, միևնույն ժամանակ, ընդգծել է, որ Էրդողանն իր խոսքով տապալում է Ադրբեջանի Հանրապետության ինքնիշխանությունը: Իրանն ակնհայտորեն դժգոհ է Ադրբեջանում Թուրքիայի ակտիվությունից և տարածքային նվաճումներն Անկարային վերագրելու հանգամանքից:
Հիշեցնենք, որ Բաքվում կայացած զորահանդեսի ժամանակ Թուրքիայի նախագահը հայտարարել էր, որ Ադրբեջանի հետ միասին լուծեցին 30-ամյա հակամարտությունը, միասին վերականգնեցին «իրենց պատմական արդարությունը»: Էրդողանը նաև նշել է՝ «Պայքարը դեռ չի ավարտվել», իր խոսքում հիշատակել են բոլոր տարածքները վերադարձնելու պատրաստակամության մասին: Ալիևն իր հերթին որպես Ադրբեջանի պատմական տարածք անվանեց Թավրիզը:
Ստացվում է՝ հասունանում է թուրք-իրանական նոր սկանդալ, որն ուղղակիորեն բախվում է Հայաստանի և Արցախի տարածքներում անվտանգության հարցին: Իրանն այս պատասխան հայտարարությամբ Թուրքիային նախազգուշացնում է, որ Ադրբեջանի և Արաքսից հյուսիսի ընկած մյուս տարածքների նկատմամբ Իրանն ավելի շատ իրավունքներ ունի և թույլ չի տալու դրանց նկատմամբ թուրքական վերահսկողության հաստատում:
Հավելենք, որ իրանական բանակի ստորաբաժանումները, որոնք մեծ քանակությամբ հաստատվել էին Արաքս գետի եզերքով՝ Նախիջևանից մինչև Կասպից ծովի ափերը, մինչ օրս դեռ տեղում են՝ պատրաստ՝ թույլ չտալու «տարածաշրջանում աշխարհաքաղաքական փոփոխություններ և պահպանելու սեփական սահմանների անվտանգությունը»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…