Թուրքիայի դեսպանը կանչվել է Իրանի ԱԳՆ. կրքերը թեժանում են
Իրանում Թուրքիայի դեսպանին խնդրել են՝ Էրդողանին փոխանցի, որ կայսրությունների և նվաճումների դարաշրջանը վաղուց ավարտվել է: Միաժամանակ, հասարակական շրջանակները և մի շարք իրանական ԶԼՄ-ներ պահանջում են բոյկոտել թուրքական և ադրբեջանական ապրանքները:
Իրանի ԱԳՆ պաշտոնական ներկայացուցիչ Սայիդ Խաթիբզադեն հայտարարել է, որ ի պատասխան Բաքվում Թուրքիայի նախագահ Ռեջեփ Թայիփ Էրդողանի «միջամտության և անընդունելի խոսքերի»՝ այդ երկրի դեսպանը կանչվել է արտգործնախարարություն: Նրան ընդունել են նախարարի օգնականը և ԱԳՆ Եվրասիայի երկրների վարչության պետը:
Խաթիբզադեն ընդգծել է, որ թուրք դեսպանին տեղեկացրել են, որ տարածքային հավակնությունները, ռազմատենչ և զավթողական կայսրությունների դարաշրջանն արդեն անցյալում են:
Իրանի ԱԳՆ ներկայացուցչի խոսքով՝ Թուրքիայի դեսպանին հայտնել են, որ Իսլամական Հանրապետությունը ոչ ոքի թույլ չի տա միջամտել իր «տարածքային ամբողջականության և, ինչպես հետևում է Իրանի փառավոր պատմությունից, իր ազգային անվտանգության պաշտպանության հարցերում և ոչ մի քայլ չի զիջի»:
Թուրքիայի նախագահի հայտարարությունները դժգոհություն են առաջացրել ոչ միայն իրանական իշխանական շրջանակներում: Այսպես, հասարակական գործիչները և մի շարք ԶԼՄ-ներ կոչ են արել պատժամիջոցներ սահմանել թուրքական և ադրբեջանական ապրանքների նկատմամբ:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները