Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։
ԳՇ պետը` զորամասում / © ՀՀ ՊՆ
Հաղորդվում է, որ հայկական կողմից բանակցողները վերջնաժամկետ են ներկայացրել ադրբեջանցիներին՝ Սև լճի տարածքը լքելու համար: Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։
Ավելի վաղ հայտարարվել էր, որ Սև լճի տարածքում իրավիճակը չի փոխվել. լիճը գտնվում է թշնամու վերահսկողության տակ: Ժամը 12-ին նախատեսված բանակցությունները շարունակվում են: Միևնույն ժամանակ` Կառավարությունում ընթանում Անվտանգության խորհրդի արտահերթ նիստը:
Հաղորդվում է, որ բանակցություններին մասնակցում են առաջին և չորրորդ բանակային կորպուսների հրամանատարները: Նշվում է, որ մարզպետը, ԱԱԾ և ՊՆ բարձրաստիճան այլ պաշտոնյաներ ներկա չեն։
UPD 1. Հավաքական անվտանգության պայմանագրի կազմակերպության (ՀԱՊԿ) Մշտական խորհրդի նիստի ընթացքում կազմակերպությունում Հայաստանի մշտական ներկայացուցիչ Վիկտոր Բիյագովը մանրամասն ներկայացրել է Սյունիքի մարզի տարածքում ադրբեջանական կողմի հրահրած սադրիչ գործողությունները և դրանց հետևանքով ստեղծված իրադրությունը՝ ՀԱՊԿ մասնակից պետություններին իրավիճակի մասին տեղեկություններ փոխանցելու նպատակով:
Բիյագովը նշել է, որ Ադրբեջանի իրականացրած սադրանքը ուղղակի ոտնձգություն է ՀԱՊԿ անդամ Հայաստանի ինքնիշխան տարածքի նկատմամբ և լրջագույն սպառնալիք տարածաշրջանային անվտանգությանը և կայունությանը:
Նա ընդգծել է նաև, որ հնարավորինս արագ և ողջամիտ ժամկետներում Ադրբեջանի զինուժի ստորաբաժանումների՝ Հայաստանի տարածքից հետքաշումը չիրականացնելու դեպքում իրավիճակի հետագա էսկալացիայի ողջ պատասխանատվությունն ընկնում է ադրբեջանական կողմի վրա:
UPD 2. ՀԱՊԿ գլխավոր քարտուղար Ստանիսլավ Զասը հեռախոսազրույց է ունեցել ՀՀ պաշտպանության նախարարի ՊԿ Վաղարշակ Հարությունյանի և Արտաքին գործերի նախարարի ՊԿ Արա Այվազյանի հետ:
Զասը հայտարարել է, որ ՀԱՊԿ-ը ուշադիր հետևում է իրավիճակի զարգացմանը Սյունիքում և անհրաժեշտության դեպքում ձեռնարկվելու են Կազմակերպության պայմանագրով և կանոնադրությամբ սահմանված գործողությունները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…