ԱՄՆ-ի Հետաքննության դաշնային բյուրոն ռուսական հավելվածներն անվանել է հակահետախուզական վտանգ
Որպես օրինակ է նշվել լուսանկարների խմբագրման FaceApp հավելվածը, որի վերաբերյալ հարց էր բարձրացրել սենատոր Չակ Շումերը:
ԱՄՆ Հետաքննությունների դաշնային բյուրոն (ՀԴԲ) համարել է, որ Ռուսաստանում թողարկված բոլոր բջջային հավելվածները կրում են «պոտենցիալ հակահետախուզական վտանգ»: ՀԴԲ տվյալներով՝ ռուսական իշխանությունները կարող են հեռակա հասանելիություն ձեռք բերել դեպի ռուսական ցանցի բոլոր կոմունիկացիաները և սերվերները՝ առանց պրովայդերի թույլտվության:
Նման հայտարարությամբ ԱՄՆ անվտանգային գերատեսչությունը պատասխանել է Դեմոկրատական կուսակցության սենատոր Չակ Շումերի նամակին: Վերջինս լուսանկարների խմբագրման FaceApp հավելվածն անվանել է ԱՄՆ-ի ազգային անվտանգությանը սպառնացող վտանգ և խնդրել է միջոցներ ձեռնարկել: ՀԴԲ-ն հայտարարել է, որ զգուշավորությունը վերաբորում է նաև նշված հավելվածին:
Հուլիս ամսին FaceApp-ի հեղինակները պատմել են, որ երրորդ անձնանց ոչ մի տեղեկություն չեն փոխանցում: Նրանց խոսքով՝ հավելվածի բոլոր գործառույթները հասանելի են առանց գրանցման և դեպի համակարգ մուտքի, այդ պատճառով տվյալների մեծ մասն օգտատերերին նույնականացնելու համար ընդհանրապես չեն ստացվում:
Մեկնաբանությունները