Insight Investment Astronomy Photographer of the Year մրցույթում լավագույնն է ճանաչվել Անդրոմեդա գալակտիկայի լուսանկարը՝ ֆրանսիացի լուսանկարիչ Նիկոլ Լեֆոդեի հեղինակությամբ: Մրցույթը կազմակերպել են Գրինվիչի արքայական թանգարանները:
Անդրոմեդա գալակտիկան՝ ձեռքի մեկնման հեռավորությամբ / © Նիկոլ Լեֆոդե
Լեֆոդեն շրջանցել է ավելի քան 5 հազար մրցակիցների՝ «Գալակտիկաներ» անվանակարգում զբաղեցնելով առաջին հորիզոնականը և ստանալով գլխավոր մրցանակը՝ 5 հազար ֆունտ ստեռլինգ: Ֆորժ-լը-Բեն-ում, Իլ-դը-Ֆրանսում (Փարիզ) նրա կողմից արված լուսանկարների կենտրոնում Անդրոմեդա գալակտիկան է: Լուսանկարի անկյունները մթագնած են, ինչի շնորհիվ գալակտիկան շատ մոտ է թվում, թեև ավելի քան 2,5 մլն լուսային տարվա հեռավորության վրա է:
Դատավոր Էդ Ռոբինսոնը նշել է, որ մեծ մասի համար Անդրոմեդա գալակտիկան հեռու է և անհասանելի, թեև մոտ հարևան է հանդիսանում: Նրա խոսքով՝ այնպիսի լուսանկար ստեղծելը, որին, թվում է, հնարավոր կլինի դիպչել, հրաշք է, արդիական է հատկապես հիմա, երբ մարդիկ ուշքի են գալիս սոցիալական հեռավորության շրջանից հետո:
Insight Investment Astronomy Photographer of the Year-ն անցկացվում է ամեն տարի՝ Գրինվիչի արքայական աստղադիտարանի կողմից: Այս տարի մրցույթին մասնակցել են ավելի քան 5 հազար լուսանկարիչ՝ 6 մայրցամաքներից: Սա մրցույթի համար ռեկորդային թիվ է: Բացի այդ՝ հանձնաժողովն առաջին անգամ երկու հատուկ մրցանակ է շնորհել. Սըր Պատրիկի մրցանակ՝ լավագույն նորեկության համար, և Էննի Մաունդերի մրցանակ՝ լավագույն լուսանկարի համար, որը ստեղծվել է բաց աղբյուրների լուսանկարներից: Ստորև ներկայացվում են լուսանկարներ, որոնք հաղթել են տարբեր անվանակարգերում:
Դոկտոր Էմիլի Դրաբեկ-Մաունդերը՝ Գրինվիչի արքայական թանգարանների աստղագետը և մրցույթի դատավորը, պատմել է, որ միջազգային իրադրությունն այս տարի կազմակերպությանը բարդ վիճակում է դրել: Նրա խոսքով, սակայն, լուսանկարները գերազանցել են սպասումները, իսկ նորարարական ցուցադրությունները բացառիկ են եղել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…