Աշխարհի 10 ամենատարօրինակ օդանավակայանները

Գիսբորն, Նոր Զելանդիա

Փոքրիկ քաղաքում գտնվող օդանավակայանը նախատեսված է հիմնականում փոքր չափերի ինքնաթիռների համար:

Ուշագրավը, սակայն, այն է, որ անմիջապես թռիչքավայրէջքային ուղին հատվում է գործող երկաթուղով. ինքնաթիռները հաճախ ստիպված են լինում օդում սպասել, մինչև գնացքն անցնի:

Արքայադուստր Յուլիանայի օդանավակայան, Սուրբ Մարտինա կղզի

Սա աշխարհի 10 ամենավտանգավոր օդանավակայաններից մեկն է:

Ինքնաթիռներն այստեղ անցնում են լողափին գտնվողներից ընդամենը 10 մետր բարձրությամբ՝ երբեմն ուրախացնելով նրանց, երբեմն՝ ահաբեկելով:

Խիանչո-Իրաուսկին, Սաբա կղզի

Այս օդանավակայանում ամենակարճ թռիչքավայրէջքուղին է՝ 400 մետր: Վայրէջք կարող են կատարել միայն փոքր ինքնաթիռները կամ ուղղաթիռները:

Սա նույնպես աշխարհի ամենավտանգավոր օդանավակայաններից մեկն է:

Ջիբրալթարի օդանավակայան, Ջիբրալթար

Ջիբրալթարի օդանավակայանի թռիչքուղին հատում է քաղաքի ամենախոշոր ավտոմայրուղին: Ինքնաթիռների թռիչքի կամ վայրէջքի դեպքում մեքենաների ընթացքը դադարեցվում է:

Թեև օդանավակայանը պատկանում է Մեծ Բրիտանիայի պաշտպանության նախարարությանը, քաղաքացիական չվերթներ նույնպես իրականացվում են:

Ֆունշալ, Մադեյրա կղզի, Պորտուգալիա

Ֆունշալի օդանավակայանը յուրահատուկ է իր թռիչքավայրէջքուղու ճարտարապետական ոճով: Որոշ հատվածներում այն ծովի մակարդակից 50 մետր է բարձր:

Այդպիսի կառուցվածքը պայմանավորված է ոչ թե ինժեների ստեղծարարությամբ, այլ անհրաժեշտությամբ:

Կուրշևելի օդանավակայան, Ֆրանսիա

Ջեյմս Բոնդը ֆիլմերից հայտնի օդանավակայանի թռիչքավայրէջքուղին նույնպես կարճ է՝ 525 մետր: Բոնդն այստեղ հաջողությամբ վայրէջք էր կատարել:

Չափերից բացի՝ թռիչքավայրէջքուղու առանձնահատկությունն այն է, որ 18% թեքվածություն ունի: Այստեղ վայրէջք կարող են կատարել միայն ամենափորձառու օդաչուները:

Բարրի օդանավակայան, Շոտլանդիա

Այս օդանավակայանի առանձնահատկությունն այն է, որ երեք թռիչքավայրէջքային ուղիներն ավազե ափի տեսք ունեն: Աշխարի 10 ամենավտանգավոր օդանավակայաններից մեկն է:

Ափը հաճախ է ջրածածկ լինում. այդ դեպքում թիռչքներն ու վայրէջքները դադարեցվում են, մինչև ջուրը հետ քաշվի:

Այս Ռավեյ, Անտարկտիդա

Հարավային բևեռի մոտ գտնվող այս թռիչքավայրէջքուղին ոչ ասֆալտ է, ոչ էլ նույնիսկ ավազ. միայն սառույց: Չնայած դրան և եղանակային բարդ պայմաններին՝ այստեղ վայրէջք են կատարել այնպիսի խոշոր ինքնաթիռներ, ինչպիսին Lockheed C-5 Galaxy-ն է:

Դեկտեմբերի սկզբին, երբ սառույցը սկսում է կոտրվել, օդանավակայանում թռիչքներն ու վայրէջքները դադարեցվում են:

Յադինի օդանավակայան, Դաոչեն, Չինաստան

Այս քաղաքացիական օդանավակայանն ամենաբարձրն են համարում. տիբեթյան օդանավակայանը գտնվում է ծովի մակարդակից 4411 մետր բարձրության վրա:

Ուշագրավ է նաև տերմինալը, որը թռչող ափսեի կառուցվածք ունի:

Կանսայի օդանավակայան, Ճապոնիա

Կանսայ օդանավակայանը կառուցված է երկու արհեստական կղզիների վրա: Այն գտնվում է աշխարհի ամենասեյսմաակտիվ գոտում, այդ պատճառով կառուցման համար հսկայական միջոցներ են ծախսվել:

Օդանավակայանը հաջողությամբ դիմակայել է մի քանի խոշոր աղետների, իսկ ներկայումս ղեկավարությունը մտադիր է երրորդ թռիչքավայրէջքուղին կառուցել:

Էջանիշ

Պատճենել հղումը

Email

Տպել

Twitter

VK

Telegram