Հայաստանում համավարակի պայմաններում մեծ նշանակություն է ստացել ներգնա զբոսաշրջությունը: Մեր ընթերցողին ներկայացնում ենք քիչ հայտնի 10 վայրեր՝ գաստրոբակեր, վրաններ, կոլորիտային միջավայր, քարանձավներ, առողջարար յոգա, դետոքս և այլն:
WOW Glamping-ը գտնվում է Լոռու մարզում՝ Դսեղ գյուղում:
Գլեմպինգը հանգստի տեսակ է, էկո֊տուրիզմի նոր ուղղություն, որը ենթադրում է գրեթե հյուրանոցային ու հարմարավետ պայմաններ վրաններում: Հիմնականում գլեմպինգ հյուրանոցներն առաջարկում են բնության հետ կապ ունեցող ակտիվ և պասիվ ժամանցի տեսակներ ՝ ձիավարություն, զբոսանք լճի ափին, ռաֆթինգ, քայլարշավ և այլն։
WOW Glamping-ի վրաններից ոչ հեռու գտնվում է Դսեղի տեսարժան վայրերիղ մեկը՝ Ծովեր լիճը` իր հրաշագեղ բուսականությամբ:
Այստեղ հնարավոր է հանգստանալ՝ առօրյա հոգսերից կտրվելով զբոսնելով, ձուկ որսալով:
Թեղենիքում մի հրաշք անկյուն կա` ազգային կոլորիտով, հյուրընկալ և էկոլոգիապես մաքուր սննդով։ «Բարի ֆարմ»-ը զբաղվում է օրգանական գյուղատնտեսությամբ և տուրիզմով։ Գտնվում է Կոտայքի մարզի Թեղենիք համայնքում, զբաղեցնում է 2,5 հա ընդհանուր տարածք և բաղկացած է 3 հողակտորից։
Նախալեռնային գոտու բարենպաստ բնակլիմայական պայմանները, ինչպես նաև ինտենսիվ գյուղատնտեսական տարածքներից և արդյունաբերական շրջաններից մեծ հեռավորության վրա գտնվելու փաստը հիանալի հնարավորություն են ընձեռնում զբաղվել էկոլոգիապես մաքուր գյուղատնտեսական մթերքների արտադրությամբ։
Ի դեպ՝ Թեղենիքը հայտնի է նաև իր ամրոցներով, եկեղեցով, լճով ու անտառներով:
Թեղենիքը հարմարավետ վայր է նաև արշավների համար:
Այս Գաստրոբակում խոստանում են համեղ, անվտանգ սնունդ՝ թթուներ, Քասախի իշխան:
Խաղաղ հանգիստներից բացի՝ այստեղ կազմակերպվում են նաև թեժ երեկոներ, ավանդական միջոցառումներ:
Գաստրոբակը գտնվում է Աշտարակ քաղաքում:
Շիրակի մարզի Արդենիս բնակավայրը գտնվում է Արփի խոշորացված համայնքում, մարզկենտրոն Գյումրիից՝ 46 կմ հյուսիս-արեւմուտք, Արփի լճից 10-11 կմ դեպի արեւելք, Ախուրյան գետի ափին:
Արդենիսը գտնվում է «Արփի լիճ ազգային պարկի» տարածքում, որը հարուստ է կենդանական ու բուսական յուրահատուկ տեսակներով: Դրանցից որոշները հազվադեպ են, որոնց դիտարկման, ուսումնասիրության համար այստեղ են ժամանում օտարերկրյա մասնագետներ:
Գյուղում միակ հյուրատունն արտասահմանից այցելուների հիմնական կեցավայրն է: Տնային պայմաններ, տնական ուտեստներ, ընտանեկան միջավայր, տարածքին քաջածանոթ տանտեր. այս ամենը տարվա մեծ մասը ցուրտ ու հով տարածաշրջանում հանգստի լավագույն տարբերակն են, իսկ բանիմաց տանտեր-էքսկուրսավարը կհագեցնի ձեր գիտելիքները:
Արդենիսում կարելի է հանգստանալ նաև ձմռանը. դահուկ ու ձիասահնակ վարել:
Գտնվում է Լոռու մարզում, Հաղպատ գյուղից արևմուտք, Կայան բերդի դիմաց:
Համալիրն ունի թանգարան, գինետուն, սրճարան, հուշանվերների սրահ:
Հանգստավայրը համադրում է բնությունը, ավանդույթը և հայկական բարիքները:
Մագելանի (կամ՝ Մագելի) քարանձավը գտնվում է Մ2-Նորավանք ավտոճանապարհի վրա՝ Նորավանքից 7.3 կմ հյուսիս: Քարանձավը պատկանում է կլաստոկարստային քարանձավների տեսակին և այդ տեսակի քարանձավների մեջ իր երկարությամբ՝ 1720 մ, աշխարհում 9-րդն է:
Այստեղ կազմակերպվում են էքսկուրսիաներ 12-15 հոգանոց կոլեկտիվների և խմբերի համար: Քարանձավում օդի ջերմաստիճանն ամբողջ տարվա ընթացքում 8 °C է՝ անկախ դրսի ջերմաստիճանից: Էքսկուրսիայի տևողությունը 50-55 րոպե է և ընդգրկում է նաև ցածր առաստաղով (բարձրությունը 0,4-0,5 մ) նեղ անցումներ: Էքսկուրսիայի համար նախատեսված քարանձավի հատվածի երկարությունը 350 մ է:
Էքսկուրսիայի ժամանակ ներկայացվում է քարանձավի առաջացման և ձևավորման պատմությունը, երկրաբանական կառուցվածքը, անձավագիտական առանձնահատկությունները, մարդկանց կողմից օգտագործվելու պատմության և կենդանական աշխարհի մասին տեղեկություններ:
Այցելուներին տրամադրվում են սաղավարտ, ճակատի լույս և ուղեկցորդի ծառայություն:
Ապիթերապիայի կենտրոնը գտնվում է Գեղարքուիքի մարզի Ճամբարակի տարածաշրջանի Մարտունի գյուղում։ Մեղվաբուժությունը ապիթերապիայի մի տեսակ է՝ քունը փեթակների վրա, որն ընդունված է աշխարհի մի քանի երկրներում: Փեթակը նախատեսված է 2-3 անձի համար։
Միգրեն, ռևմատիզմ, բարձր ճնշումունեցող մարդիկ կամ պարզապես մեղուների էներգիայով հոգնածությունը վերականգնել ցանկացողներն անցկացնում են փեթակում մինչև երկու ժամ՝ կարդալով կամ քնելով: Սա օգտակար է և՛ մեծերի, և՛ երեխաների համար։
Մեղվաբուժության կենտրոնում բացի մեղրից կան նաև այլ մեղվամթերքներ՝ մոմը, ակնամոմը, ծաղկափոշին, մայրակաթը, մեղվաթույնը, խիտինը: Այս բոլոր մեղվամթերքները վերացնում են ամենատարբեր առողջական խնդիրները, իսկ օրինակ խիտինը այրում է ճարպերը, նիհարեցնում է։
Թեև Բյուրականի աստղադիտարանի մասին շատերը գիտեն, սակայն համավարակի պայմաններում աստղադիտում իրականացնելու հնարավորության մասին քչերն են տեղյակ: Յուրաքանչյուր անամպ օր, սկսած 21։00-ից մինչև 00։00-ն այստեղ սկսվում են գիշերային երկնքի դիտումներ՝ գիդ-ուղեկցորդների օգնությամբ։
Աստղադիտարանի և հարակից հատվածի տարածքը գրեթե արհեստականորեն լուսավորված չէ, որի նպատակը առավել պարզ գիշերային երկինք դիտելն է։ Այս շրջանում հնարավոր է տեսնել Արեգակնային համակարգի ամենամեծ մոլորակը՝ Յուպիտերը, և իր՝ Գալիլեյան 4 արբանյակները, մեծությամբ երկրորդ մոլորակը՝ Սատուրնը՝ իր շուրջը պտտվող օղակներով, որոշ կրկնակի աստղեր, պայծառ աստղերից՝ Վեգան, Արկտուռը, Անտարեսը և այլն։
Ամռան վերջին-աշնան սկզբին աստղադիտակով տեսանելի կլինի նաև Մարս մոլորակը։ Առավել հարմար է դիտել մինչև Լիալուսին հասնող Լուսնի փուլերը, քանի որ Լիալուսնի լույսի պայծառությունը շատ բարձր է, որն էլ խանգարում է դիտմանը։
Ելնելով համաճարակային կանոններից, աստղադիտումները անցկացվում են բացօդյա ձևով, յուրաքանչյուր խմբում ներառելով առավելագույնը 10 հոգի։
Դիլիջանը նույնպես հայտնի է իր զբոսաշրջային գրավչությամբ: Սակայն Յոգա-տուրը դեպի Դիլիջան կարող է ավելի հետաքրքիր ու առողջարար հանգիստ ապահովել:
Այստեղ հնարավոր է մաքրել օրգանիզմը տոքսիններից և շլաքներից՝ գրագետ մշակված դետոքս ծրագրի շնորհիվ, ստանալ օգտակար տեղեկություն առողջ սննդակարգի մասին, սովորել ճիշտ շնչել, ինչպես նաև անձամբ մասնակցել առողջ սննդի պատրաստման վարպետության դասընթացին:
Կազմակերպիչները խոստանում են, որ այցելուները 3-օրյա տուրի արդյունքում կզգան թեթևություն, ներշնչանք և կազատվեն ավելորդ քաշից։
Kalashyans Gastro Yard կամ «Մեր» («Մեր հայաթ») հացարանը գտնվում է Արմավիր քաղաքում՝ Ջիվանու 66 հասցեում։ Արմավիրի մարզում ընդհանրապես նմանատիպ հանգստավայրերը հազվադեպ են: Քալաշյանների հիմնադրած «Մեր հայաթն» այդ քչերից մեկն է:
Հրաշալի վայր է ընտանիքով առողջ, տնական ուտեստներ վայելելու համար։ Այստեղ առաջարկում են նաև հյուրատան ծառայություններ։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…