Այրվող տան դերում ներկայացվել են 2020թ.-ի բոլոր բացասական իրադարձությունները, իսկ կատվի դերում՝ մենք բոլոր, որ ամեն կերպ փորձում ենք փրկվել: Նշենք, որ կատուն ողջ-առողջ է:
Հունիսի 10-ին Reddit-ի վիսկոնսինցի օգտատերը՝ distriived-ը, իր տան հրդեհի լուսանկար է հրապարակել: Հրապարակման հեղինակն այդ ժամանակ աշխատանքի է եղել, իսկ կինը երեխաների հետ զբոսնելու էր գնացել, այնպես որ՝ հրդեհային ազդանշանին արձագանքել են հարևանները: Վերջիններից մեկը մոտեցել է տանը և լսել շան հաչոց:
Տղամարդն այրվող տանից դուրս է բերել շանը, ինչից հետո ինչ-որ մեկը լուսանկարել է նրան՝ շան հետ: Հենց այդ լուսանկարով էլ կիսվել է distriived-ը: Սակայն հետնապատկերում նկատվում է դրամատիկ տեսարան. այրվող տանից կատու է դուրս թչռում. նա ստիպված էր ինքնուրույն փրկվել: Հարևանը կատվին չէր նկատել, երբ հրդեհի միջից շանն էր դուրս բերում:
Տունն, ի վերջո, ամբողջությամբ այրվել է: Distriived-ի խոսքով՝ իր կյանքը վերջին երեք տարիներին բարդ է եղել. 2018թ. տան խողովակներն են պայթել, 2019թ. տաքացուցիչն է այրվել, ինչից հետո շինությունը լրջագույն վերանորոգման է ենթարկվել: Օգտատերը նշել է, որ կցանկանար վերադառնալ անցյալ և «չգնել այդ գրողի տարած տունը»:
Միևնույն ժամանակ նա ուրախացել է՝ իմանալով, որ Էլլի անունով կատուն փրկվել է, թեև հրդեհից հետո կատվին չեն կարողացել գտնել: Reddit-ի լուսանկարը դարձել է օրվա ամենահայտնին, և հազարավոր օգտատերեր անհանգստացել են կենդանու համար: Մի քանի ժամ անց distriived-ը պատմել է, որ ոստիկանությունը գտել է կատվին. Էլլին փրկվել է, բայց՝ թեթև վնասվածքներով: Կատվին անմիջապես տարել են անասնաբույժի մոտ:
Reddit-ի օգտատերերը թռչող կատվին ճանաչել են 2020թ. սիմվոլ, երբ բազմաթիվ բացասական երևույթների պատճառով յուրաքանչյուրը ստիպված է ինքն իրեն փրկել: Մեկնաբանողներից մեկը նշել է, որ այս լուսանկարը հրաշալի մեմային պոտենցիալ ունի:
Դրանից հետո Reddit-ում իսկապես հայտնվեցին նկարի հիման վրա ստեղծված կատակներ: Մեմերն առավել շատ վերաբերել են 2020թ. արդիական երևույթներին՝ կորոնավիրուսի համավարակին, ԱՄՆ-ի ցույցերին, SpaceX-ի պատմական թռիչքին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…