Sony World Photography Awards մրցույթի հաղթողների անունները հայտնի են դարձել
Էկոակտիվիստներ, ձկնորսական հյուղակներ, ծիսական դարպասներ, թեփամորթներ և մայրություն. 2020թ. հենց այսպիսի թեմաներն են հաղթանակ պարգևել լուսանկարների հեղինակներին:
Լուսանկարների համաշխարհային կազմակերպությունը հայտնել է Sony World Photography Awards ամենամյա մրցույթի հաղթողների անունները: Աշխարհի ամենահեղինակավոր լուսանկարչական մրցույթի հաղթողին ընտրում են չորս անվանակարգերում. «Պրոֆեսիոնալ», «Բաց մրցույթ», «Երիտասարդ լուսանկարիչ» և «Ուսանողական լուսանկար»: Այս տարի մասնագիտական մրցույթին ուղարկվել է 135 հազար լուսանկար՝ աշխարհի 203 երկրից: Լավագույն պրոֆեսիոնալ լուսանկարիչ է ճանաչվել ուրուգվայացի Պաբլո Ալբարենգան:
Լուսանկարչին հաղթանակ է շնորհվել «Դիմադրության սերունդ» անվամբ նկարների շարքի համար: Այն ներկայացնում է Լատինական Ամերիկայի՝ անհետացման վտանգի ներքո գտնվող տարածքները՝ ակտիվիստների լուսանկարներով, ովքեր պայքարում են մայրցամաքի բնության պահպանման համար:
«Ճարտարապետություն» անվանակարգում լավագույն է ճանաչվել Սանդրա Գերբերը և նրա ձմեռային շարքը՝ Վինիպետ լճի ձկնորսական հյուղակների լուսանկարներով: Սանդրայի արտահայտիչ և միմիալիստական լուսանկարները միանգամից աչք են ծակում:
«Շրջակա միջավայր» անվանակարգում հաղթանակ է շնորհվել գերմանացի Ռոբին Հինշին: Նրա՝ «Վախալա» անունը ստացած շարքը ցուցադրում է արդյունաբերության և նավթարդյունաբերության ազդեցությունը բնության՝ Նիգեր գետի դելտայի և այնտեղ բնակվող մարդկանց վրա:
Եվս մեկ գերմանացի՝ Ռոնի Բեգներտը, լավագույնն է ճանաչվել բնապատկերներով: Նա մրցույթի համար տորիիների (ճապ.թրգմ.՝ թռչնի թառ, սինտո կրոնի ծիսական կառույցներ Ճապոնիայում) լուսանկարների շարք է ուղարկել:
«Բնության աշխարհ և վայրի բնություն» անվանակարգում լավագույնն է ճանաչվել «Թեփամորթները՝ ճգնաժամում» շարքը: Բրենտ Ստինտոնի լուսանկարները Հարավաֆրիկյան Հանրապետությունում մարդկանց ուշադրությունն են հրավիրում հանցախմբերի և կենդանիների անվերահսկելի սպանդի խնդիրների վրա:
«Անմահության կորպորացիա» հավաքածուն իտալացի Ալեսանդրո Գանդոլֆիին հաղթանակ է բերել «Նատյուրմորտ» շարքում: Նրա լուսանկարները բացարձակ տարբեր պատկերներ են ներկայացնում, բայց միավորվում են կյանքի վերջի ու անընդհատության գաղափարում:
Ռուսաստանցի Մարիա Կոկունովան լավագույնն է ճանաչվել «Բահայտում» անվանակարգում: Շուրջ չորս տարի նա անցկացրել է իր ընտանիքի հետ աշխարհից փաստացի մեկուսացած՝ գյուղական տանը, և բախվել է տագնապի աճին, մահվան վախին և այլ «ներքին դևերի»:
Ավելի վաղ հաղորդվել է, որ Հաբլ աստղադիտակը լուսանկարել է գալակտիկա, որը նման է մարդկային դեմքի: Այն հայտնաբերվել էր դեռ 1966թ., սակայն նրա բաղադրիչների տեղադիրքը ժամանակի ընթացքում որոշակի փոփոխվել է:
Մեկնաբանությունները