Ինչո՞ւ են մեծ խանութներում շատ դրամարկղներ տեղադրված, բայց մի մասը մշտապես չի գործում

Հավանաբար բոլորն ուշադրություն են դարձրել այն հանգամանքի վրա, որ առևտրի ցանցերում դրամարկղների մի մասը մշտապես չեն գործում: Հիմնականում չեն սպասարկում առկա դրամարկղների 2/3-ը: Այս երևույթը հաճախորդների մեծ մասի մոտ դժգոհություն է առաջացնում, հատկապես երբ ծանր աշխատանքային օրվա ավարտին ստիպված են երկար հերթ կանգնել: Օրինաչափ հարց է ծագում. ինչո՞ւ են ստեղծում այդքան շատ դրամարկղներ, եթե մի մասը չի գործում:

Հարցի պատասխանը բավականին պարզ է՝ հաճախորդների հոսքը միշտ նույնը չէ: Օրվա, շաբաթվա, ամսվա ու նույնիսկ տարվա ինչ-որ առանձին պահերի հաճախորդների թիվը փոփոխվում է: Բոլոր կետերի միաժամանակյա աշխատանքի հետևանքով գանձապահների մի մասը միշտ անգործ նստելու է: Դա իր հերթին կհանգեցներ ապրանքների ինքնարժեքի վրա: Այդ պատճառով գանձապահները հերթափոխով են աշխատում:

Դրամարկղները խանութում գործում են ըստ անհրաժեշտության: Օրինակ՝ առավոտյան, երբ գնորդների հոսքը մեծ չէ, մեկն էլ կարող է սպասարկել: Իսկ ճաշի ժամին կամ երեկոյան, երբ հաճախորդների հոսքը մեծանում է, կարող են սպասարկել մի քանիսը:

Տոնական օրերին, օրինակ, սովորաբար աշխատում են բոլոր դրամարկղները, քանի որ հոսքը մեծ է: Լրացուցիչ դրամարկղները հենց այդ օրերի համար են տեղադրված: Թեև դրամարկղային կետի ստեղծումը ծախսատար է, սակայն տոնական օրերին դրանց անբավարար քանակը կարող է գնորդների թվի, ըստ այդմ էլ՝ եկամտի նվազման հանգեցնել:

Գոյություն ունի ևս մեկ հանգամանք, որի պատճառով դրամարկղների մի մասը մշտապես չի գործում: Գանձապահը ցանցային խանութում իրականում «գանձապահ» չէ. այս աշխատակիցը խանութում կատարում է նաև այլ գործառույթներ, օրինակ՝ դասավորում է ապրանքը, գներն է փակցնում, օգնում է հսկիչին՝ կասկածելի հաճախորդներին հսկելու համար, ստուգում է պիտանելիության ժամկետը, աջակցում է հաշվարկների ժամանակ և այլն:

Ավելի քան 10 տարի միջազգային խոշոր կորպորացիաներում և առևտրային ցանցերում մարքեթինգի ոլորտում աշխատած մասնագետն ավելի վաղ պատմել էր բազմաթիվ խորամանկ հնարքների մասին, որոնք կիրառվում են նշված ոլորտում՝ սովորական մարդկանց հարկադրելու գնել ավելին, քան անհրաժեշտ է: