Starlink-ի արբանյակային համացանցի թեստավորման առաջին արդյունքները հրապարակվել են — Շեշտ.am (shesht.am)
4 րոպե
Խմբագրություն

Starlink-ի արբանյակային համացանցի թեստավորման առաջին արդյունքները հրապարակվել են

«Իլոն Մասկի համացանցի» բետա տարբերակի բեռնման արագությունը տատանվել է 35,5-ից 60,2 Մբիթ/վ-ի միջակայքում: Starlink համակարգի ամբողջական գործարկումից հետո այն ապահովելու է բեռնման մինչև 1 Գբ/վ արագություն:

2020-ականների կեսերին Starlink-ը ամբողջ Երկիրը կապահովի արբանյակային համացանցով / © ITC

Համաշխարհային արբանյակային համացանցի նախագիծը ծավալել և ծավալում են մի շարք խոշոր ընկերություններ, ինչպիսիք են Amazon-ը, Boeing-ը, OneWeb-ը, Samsung-ը, SpaceX-ը: Բայց հատկապես վերջինն է այդ ոլորտում առավել մեծ հաջողություններ ձեռք բերել: Իլոն Մասկի հիմնադրած ընկերությունը վերջերս թողարկել է Starlink-ի՝ Երկրի բնակչությանը համացանցին համընդհանուր հասանելիությամբ ապահովման արբանյակային համակարգի նախագծի բետա թեստավորումը:

Ներկայումս արբանյակային ուղեծրային խմբավորման կազմում հաշվվում է 600 սարքավորում: Դրանցից 500-ը 1.0 տարբերակի շահագործման մոդելներն են: Starlink-ի բետա թեստավորման ծրագիրը դեռևս սահմանափակվում է ԱՄՆ-ի հյուսիսով և Կանադային հարավային տարածքներով:

SpaceX-ի արբանյակային համացանցի աշխատանքի արագության ստուգման առաջին արդյունքներն արդեն հրապարակվել են: Բեռնման արագությունը տատանվել է 35,5-60,2 Մբիթ/վ-ի սահմաններում, տվյալների ներբեռնման արագությունը՝ 4,6-17,7 Մբիթ/վ-ի տիրույթում: Մի շարք թեստավորումների արդյունքներով՝ միջին հապաղումը կազմել է 30-40 մվ՝ առանձին դեպքերում հասնելով 90 մվ-ի:

Starlink-ի թեստավորման արդյունքները / © ITC

SpaceX-ի ներկայացուցիչների խոսքով՝ Starlink համակարգի ամբողջական արձակումից հետո այն ապահովելու է բեռնման մինչև 1 Գբ/վ արագություն՝ 35 մվ-ից պակաս հապաղմամբ: Արբանյակային համացանցին հասանելիության արժեքը դեռևս չի հրապարակվում. ոլորտային մասնագետների գնահատմամբ՝ ԱՄՆ-ի և Կանադայի համար այն արժենալու է ամսական 100 դոլար: Համեմատության համար՝ ժամանցային Reddit հարթակի բազմաթիվ օգտատերեր ամսական շուրջ 150 դոլար են վճարում տվյալների ընդունման 10 Մբիթ/վ արագության համար:

Starlink համակարգի լիակատար տեղաբաշխումը նախատեսված է 2020-ականների կեսերին: Այդ նպատակով SpaceX ընկերությունն արդեն ունի 42 հազար արբանյակ մերձերկրյա ուղեծիր դուրս բերելու թույլտվություն:

Ավելի վաղ հայտնել էինք, որ, Հայաստանում Ֆրանսիայի դեսպան Ջոնաթան Լաքոթը հայտարարության համաձայն, Երևանում կբացվի RINA տեխնոլոգիայի` «ապագայի համացանցի» փորձնական առաջին կենտրոնն աշխարհում: Այդ առիթով ներկայացվել էր RINArmenia նախագիծը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.