Պատահական չէ, որ նախագծի իրականացման համար Իրանն ընտրել է Հայաստանը, այլ ոչ թե` Ադրբեջանը
Թեհրանին ձեռնտու չէ տրանսպորտային ապաշրջափակման միջոցով դեպի Նախիջևան ճանապարհ ունենալու Բաքվի ձգտումը: Իրանցիներին անհանգստացնում է նաև Անկարայի ակտիվությունն այս հարցում:
Իրանը պատրաստվում է գործարկել «Պարսից ծոց-Սև ծով» միջազգային տրանսպորտային միջանցքի ստեղծման նախագիծը:
Ինչպես հայտնի է` միջանցքը պետք է իրանական նավահանգիստները կապի վրացականների հետ: Ընդ որում` ապրանքները Հնդկաստանից ու Չինաստանից հասնելու են Իրան, որտեղից երկաթուղային և ավտոմոբիլային ճանապարհներով Հայաստանի և Վրաստանի տարածքներով, Սև ծովով կհասնեն բուլղարական ու հունական նավահանգիստներ:
Փորձագետների խոսքով` պատահական չէ, որ նախագծի իրականացման համար Իրանն ընտրել է Հայաստանը, այլ ոչ թե` Ադրբեջանը:
Նշվում է, որ Թեհրանին ձեռնտու չէ տրանսպորտային ապաշրջափակման միջոցով դեպի Նախիջևան ճանապարհ ունենալու Բաքվի ձգտումը: Իրանցիներին անհանգստացնում է նաև Անկարայի ակտիվությունն այս հարցում:
Հայաստանի տարածքով նշված նախագծի իրագործումն իրանցիներին հնարավորություն կտա տրանսպորտային կախվածություն չունենալ Բաքվից և Անկարայից, ինչպես նաև իրականացնել դեպի Եվրոպա տանող ուղիների դիվերսիֆիկացիա:
Համարվում է, որ նախագիծը ձեռնտու է նաև Ռուսաստանին, որն Աբխազիայի տարածքով երկաթուղային հաղորդակցության վերականգնման դեպքում կկարողանա այդ երթուղով կապ հաստատել Հնդկաստանի հետ:
Մեկնաբանությունները