Առնետ-սակրավորը խիզախության համար ոսկե մեդալ է ստացել՝ հայտնաբերելով տասնյակ ականներ
Աֆրիկյան հսկայական առնետը՝ Մագավա անվամբ, բարձրարժեք պարգևի է արժանացել Կամբոջայում ականազերծման համար: 70 սմ երկարություն ունեցող առնետը մետաղորսիչներով սակրավորներից ավելի արդյունավետ է գտնվել՝ առանց պայթելու վտանգի հայտնաբերելով վերգետնյա 39 ական և չպայթած 28 զինամթերք:
Մագավային ոսկե մեդալով պարգևատրել է բրիտանական PDSA բարեգործական կազմակերպությունը, որն անասնաբուժական աջակցություն է ցուցաբերում չքավորների կենդանիներին: 1943թ.-ից սկսած PDSA-ն պարգևատրում է ռազմական գործողությունների ժամանակ աչքի ընկած կենդանիներին, իսկ 2002-ից սկսած՝ նաև նրանց, ովքեր հերոսություն են ցուցաբերել խաղաղ ժամանակ: Մագավան ոսկե մեդալի է արժանացել «նվիրվածության և մարդկանց կյանքեր փրկելու» համար:
Մասնագետների գնահատմամբ՝ ներկայումս Կամբոջայում առկա է շուրջ 6 մլն ական, որոնք պահպանվել են 1970-80-ականների քաղաքացիական պատերազմից հետո: Միայն նախորդ տարի ականների զոհ է դարձել 77 մարդ: Շուրջ 40 հազար բնակիչներ անդամահատվել են. սա աշխարհում ամենաբարձր ցուցանիշն է:
Մագավան 7 տարեկան է, կշռում է 1,2 կգ: Թեև նա սովորական առնետներից ավելի մեծ է, սակայն նրա չափերն ու քաշը չեն կարող պայթեցնել ականները: Տարեկան վերապատրաստումն առնետն անցել է Տանզանիայում, որտեղ բելգիական Apopo բարեգործական կազմակերպությունը 1990-ականներից սկսած կենդանիներին սովորեցնում է հոտառությամբ հայտնաբերել ականները և տուբերկուլյոզը:
Apopo-ն իր ծրագրերի մասնակիցներին անվանում է HeroRATs (հերոս առնետներ): Նրանց վարժեցնում են հոտոտել ոչ թե մետաղը, այլ դրանց քիմիական միացությունները: Դա նշանակում է, որ առնետները կանգ չեն առնում մետաղ հայտնաբերելիս. այդպիսով գործընթացն ավելի արագ է կատարվում: Երբ առնետը հայտնաբերում է պայթուցիչը, սկսում է թաթով հողի վրա խաչ անել՝ նրա հետ աշխատող մարդկանց ազդարարելով այդ մասին:
Թենիսահարթակի չափ տարածքը Մագավան կարող է հետազոտել 30 րոպեում, մինչդեռ մետաղորսիչով սակրավորը նույնը կանի 4 օրում: Ընդ որում, ի տարբերություն մարդկանց, առնետի դեպքում պայթելու հավանականությունը նվազագույնն է:
Մագավան աջակցում է Ականազերծման կամբոջական կենտրոնի մասնագետներին: Նա աշխատում է առավոտյան՝ կես ժամ տևողությամբ: Կազմակերպությունում նրա ծառայություններից շատ գոհ են:
Բրիտանական HALO Trust կազմակերպության տվյալներով, որը զբաղվում է զինված հակամարտությունների հետևանքով տուժած երկրներում զինամթերքի վնասազերծմամբ, 1979թ.-ից սկսած Կամբոջայում ականների պայթյունի հետևանով գրանցվել է 64 հազար մահ և անդամահատման 25 հազար դեպք:
Telegram 
Facebook 
Google News Արյան բազմաթիվ քննությունների արդյունքները քիչ են կախված վերջին սնունդից անցած ժամանակից։ Հարավային Կորեայում անցկացված հետազոտությունը ցույց է տվել, որ քաղցած մնալու պահանջը կարող է տարբեր լինել՝ կախված ստուգվող ցուցանիշից։
Ավստրալիայի Քվինսլենդ նահանգում անասնաբույժները վիրահատել են Սփայդեր անունով հորթին, որը ծնվել էր երկու լրացուցիչ ոտքով։ Կենդանին ապաքինվել է և վերադարձել մոր մոտ։
SpaceX-ը նախատեսում է 2027 թվականին սկսել Starmind հաշվարկային արբանյակների արձակումը։ Արհեստական բանականության համար նախատեսված սարքերը պետք է սնուցվեն արևային էներգիայով և միասին աշխատեն որպես ուղեծրային տվյալների կենտրոններ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Կոտայքի մարզում ավտոմեքենայից արձակված կրակոցներից երկու պարեկային ծառայող վիրավորվել է։ Ոստիկանությունը ձերբակալել է դեպքին առնչություն ունենալու մեջ կասկածվող երկու անձի։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները