Covid-19-ով վարակվածների թիվն ավելացել է 515-ով
Հայաստանում վերջին 24 ժամում կորոնավիրուսից մահացել է 11 մարդ, առողջացել են 619-ը: Փաստացի բուժում է ստանում 10876 պացիենտ:
Կորոնավիրուսից մահացածների թիվը Հանրապետությունում հասել է 592-ի: Նախորդ օրը մահացած պացիենտները եղել են 82 (կին), 63 (կին), 90 (տղամարդ), 77 (կին), 75 (կին), 53 (տղամարդ), 88 (կին), 84 (տղամարդ), 62 (կին), 84 (տղամարդ) և 88 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ։ Նախորդ օրն արձանագրվել է մահվան 5 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 189 է:
Ընդհանուր առմամբ առողջացել է 21348 մարդ: ՀՀ ԱՆ ՀՎԿ ազգային կենտրոնի տեղեկացմամբ՝ փաստացի բուժում է ստանում 10876 պացիենտ:
Նախորդ օրը կատարված թեստերից 1903-ը բացասական են եղել: Հուլիսի 15-ի ժամը 11:00-ի դրությամբ կատարված ընդհանուր թեստերի թիվը 139220 է: Վարակվածության հաստատված դեպքերը 33005-ն են:
Մեկնաբանությունները