Ստորագրահավաք են սկսել՝ բաց նամակով դիմելու Նիկոլ Փաշինյանին, Արմեն Սարգսյանին և Արարատ Միրզոյանին՝ պահանջելով «Հայոց լեզու» և «Հայոց պատմություն» առարկաների դասավանդումն օրենքով ամրագրել պարտադիր:
Ուսանողները դասադուլ են անում / ©shantnews.am
Երևանի պետական համալսարանի բանասիրության ֆակուլտետի ուսանողները որոշել են դասադուլ անել՝ պահանջելով, որպեսզի նախարար Արայիկ Հարությունյանն ընթացք չտա ԲՈւՀ-երում հայոց լեզու, հայ գրականություն և հայոց պատմություն առարկաները պարտադիր դասավանդվողների ցանկից հանելու նախագծին:
Բողոքի հիմնական պատճառը Կրթության, գիտության, մշակույթի և սպորտի նախարարության կողմից «Բարձրագույն կրթության և գիտության մասին» օրենքում նախատեսվող փոփոխությունն է: Հայոց լեզու, հայ գրականություն և հայոց պատմություն առարկաներն առաջարկվում է դարձնել ոչ պարտադիր ուսուցման առարկաներ:
Ի պատասխան դժգոհություններին` ԿԳՄՍ նախարարությունը հանդես եկավ հայտարարությամբ` նշելով, որ նախագծի համաձայն ԲՈւՀ-երն են որոշելու ուսումնական և գիտական ծրագրերի բովանդակությունը, պարտադիր և ոչ պարտադիր առարկաների ցանկը: Տարածած հաղորդագրության համաձայն՝ նախագիծն ամրագրում է հայերենի և հայրենագիտության սերմանումն ու համապատասխան մասնագետների պատրաստումը։
Չնայած նախագիծը դեռ մշակման փուլում է, սակայն ուսանողներին վրդովվեցրել է Արայիկ Հարությունյանի հայտարարությունն Ազգային ժողովում, որտեղ նա, ըստ ուսանողների, փոփոխության մասին հաստատակամ է խոսել: Մասնագետներին անհանգստացնում է, որ փոփոխությունից հետո մայրենի լեզուն կկորցնի իր դերն ու նշանակությունը: Դասախոսական կազմի ներկայացուցիչները վստահեցնում են, որ լեզվի և պատմության նկատմամբ նման վերաբերմունքըն իր մեջ վտանգներ է պարունակում:
Ուսանողները նախաձեռնել են նաև ստորագրահավաք, որին արդեն միացել են 700 ուսանողները Հայաստանի տարբեր բուհերից: Նրանք մտադիր են բաց նամակով դիմել Նիկոլ Փաշինյանին, Արմեն Սարգսյանին և Արարատ Միրզոյանին՝ պահանջելով «Հայոց լեզու» և «Հայոց պատմություն» առարկաների դասավանդումն օրենքով ամրագրել պարտադիր:
Դասադուլի մասնակիցներն իրենց այսօրվա գործողությունները համարել են նախազգուշական: Արդյունք չունենալու դեպքում նրանք մտադիր են բողոքի ցույցը շարունակել Ազգային ժողովի բակում: Ուսանողների շարքերում են նաև ՀՅԴ ներկայացուցիչներ, ովքեր պահանջում են նախարարի հրաժարականը: Նոյեմբերի 7-ին կայանալիք Կառավարության նիստից հետո ակնկալում են իրենց պահանջի իրագործումը` սպառնալով դիմել այլ միջոցների:
Դաշնակցական ցուցարարներն այսօր նաև դատարկ արկղեր են թողել նախարարության շենքի մուտքի մոտ, որպեսզի հրաժարական ներկայացնող Արայիկ Հարությունյանն իր իրերը դրանցով տեղափոխի:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…