ԱԳ նախարարն ադրբեջանցի պատգամավորին հիշեցրեց Բաքուն, Սումգայիթը, Մարաղան, Շահումյանի օպերացիան
Ադրբեջանցի պատգամավորի հարցին ի պատասխան՝ Զոհրաբ Մնացականյանը հակադարձել է՝ «Ձեզ սրբի տեղ մի դրեք»:
ՀՀ Արտաքին գործերի նախարար Զոհրաբ Մնացականյանն Ուկրաինայի ԱԳ նախարար Վլադիմիր Պրիստայկոյի հետ միասին մասնակցել է Շվեդիայի Միջազգային հարաբերությունների ինստիտուտում Արևելյան գործընկերության տասնամյակին նվիրված դասախոսությանը, որտեղ հակադարձել է նաև ադրբեջանցի պատգամավորի հարցին:
«Զրույց Հայաստանի և Ուկրաինայի ԱԳ նախարարների հետ» խորագիրը կրող դասախոսության հարցուպատասխանի ժամանակ Զոհրաբ Մնացականյանին հարց է հղել նաև ադրբեջանցի պատգամավորը: Վերջինս հարցրել է, թե արդյո՞ք Հայաստանը պատրաստ է Ադրբեջանի հետ միասին գնալ միջազգային տրիբունալի՝ ուսումնասիրելու հայերի կողմից իրականացված պատերազմական հանցագործությունները, էթնիկ զտումները, (որոնց մասին առկա են ՄԱԿ ԱԽ բանաձևեր, ԵԽ բանաձևեր): Մնացականյանը հակադարձել է. «Ձեզ սրբի տեղ մի դրեք»:
ԱԳ նախարարը ադրբեջանցի պատգամավորին հիշեցրել է Բաքվի, Սումգայիթի, Մարաղայի (հայերի ջարդերի. խմբ.), Շահումյանի շրջանի օկուպացիայի, Մարտակերտի և Մարտունու շրջանի մի մասի օկուպացիայի մասին: Զոհրաբ Մնացականյանը նշել է, որ կարող է այս ցանկը շարունակել: Նա ընդգծել է, որ չի կարող լինել միայն ադրբեջանական կողմի համար նախընտրելի ճշմարտություն: Նախարարի խոսքով՝ առավելապաշտական լինելով խաղաղության հասնել հնարավոր չէ:
Մնացականյանը նշել է, որ առկա է անվտանգության հարց, անվտանգային միակ կազմակերպում, որ թույլ չի տալիս ագրեսիայի, օկուպացիայի վերսկսում: Առկա է 150 հազար հայրենակիցների ֆիզիկական, էքզիստենցիալ անվտանգությանը սպառանացող վտանգ։ Ուստի, նրա խոսքով, անվտագության կազմակերպման այլ տարբերակ չկա:
Մեկնաբանությունները