«Երկու պապ» ֆիլմի համար Netflix-ը կրկնօրինակել է Վատիկանի Սիքստինյան կապելլայի ներքին հարդարումը
Վերանկարվել են նույնիսկ Միքելանջելոյի 16-րդ դարի նկարները: Ստուդիան նման քայլին է գնացել, քանի որ հենց տաճարի ներսում նկարահանում չի թույլատրվում:
Էնթոնի Հոփքինսի և Ջոնաթան Փրայսի մասնակցությամբ «Երկու պապ» ֆիլմի նկարահանման նպատակով Netflix-ը կրկնօրինակել է Վատիկանի Սիքստինյան տաճարում ներքին հարդարումը:
Netflix-ը ստիպված է եղել վերստեղծել Սիքստինյան կապելլան, քանի որ Վատիկանը չի թույլատրում տաճարում նկարահանումներ իրականացնել: Հնարավոր է պայմանավորվածություն ձեռք բերել միայն վավերագրական ֆիլմ նկարելիս:
Աշխատանքները տևել են մոտ տասն ամիս: Գործընթացը ղեկավարել է Վատիկանի մասին պատմող մի շարք գրքերի հեղինակ, Սիքստինյան կապելլայում ամենշաբաթյա էքսկուրսիաներ անցկացնող Էնրիկո Բրուսկինին:
Ստուդիայում վերստեղծվել են նաև Միքելանջելոյի 16-րդ դարի նկարները, որոնք զարդարում են Սիքստինյան կապելլայի պատերն ու առաստաղը: Դրանք անհնար էր տպագրել լուսանկարներից. խիստ կտարբերվեին իսկականից: Ուստի Netflix-ը ներգրավել է նկարիչների, ովքեր վերանկարել են իսկական նկարները 1/3 չափով, ապա կրկնօրինակները լուսանկարել են, մեծացրել են և տեղադրել են պատերին:
Տաճարի առաստաղը ֆիլմը նկարահանողները ստիպված ավելացնել նկարահանումից հետո (պոստպրոդաքշն), քանի որ Netflix-ի առաստաղը Սիքստինյանի նման բարձր չէ:
Ավելի ուշ ստուդիան կահավորելու կարիք է առաջացել: Բեմադրող-նկարիչ Մարկ Թիլդսլին պատմել է, որ իրենց կրկնօրինակն իսկականից 1-2 դյույմով ավելի մեծ է ստացվել, այդպիսով ստեղծել են «մեծ Սիքստինյան կապելլա»:
Մեկնաբանությունները