Հայաստանում կորոնավիրուսով վարակվածության 59 նոր դեպք է հաստատվել
Ապրիլի 28-ի ժամը 11:00-ի դրությամբ ՀՀ-ում կորոնավիրուսով վարակվածների թիվը հասել է 1867-ի՝ վերջին 24 ժամում ավելանալով 59-ով: Մահացության մեկ նոր դեպք է գրանցվել, առողջացել են 18-ը:
ՀՀ ԱՆ Հիվանդությունների վերահսկման և կանխարգելման ազգային կենտրոնի հաղորդմամբ՝ Covid-19 կորոնավիրուսով վարակվածների թիվը Հայաստանում դարձել է 1867՝ վերջին մեկ օրվա ընթացքում ավելանալով 59-ով:
Մահացության մեկ նոր դեպք է գրանցվել: Հաղորդվում է, որ պացիենտը եղել է 67 տարեկան և ունեցել է ուղեկցող խրոնիկական հիվանդություններ: Մահացածների թիվն, այսպիսով, հասել է 30-ի:
Առողջացածների թիվը հասել է 866-ի. նախորդ օրն առողջացել են 18-ը: Ապրիլի 27-ին կատարվել է ընդհանուր առմամբ 749 թեստավորում, որից 690-ը բացասական են եղել: Փաստացի բուժում է ստանում 971 պացիենտ:
Նախարար Արսեն Թորոսյանը տեսահոլովակ է հրապարակել, որտեղ երեխաների և ծնողների համար կարևոր ցուցումներ են տրվում:
Պաշտպանության նախարարությունն իր հերթին ձեռնարկել է միջոցառումներ՝ կորոնավիրուսի վարակը նորակոչիկների միջոցով բանակ չներթափանցելու համար:
ՊՆ մամուլի քարտուղար Շուշան Ստեփանյանը նշել է, որ զորամասերում զորակոչիկները 14 օր գտնվելու են առանձնացված տեղամասում՝ զորամասի բուժանձնակազմի բժշկական խիստ մշտադիտարկման ներքո, ըստ անհրաժեշտության՝ նաև թեստավորվելու են։
Մեկնաբանությունները