Հայաստանում կորոնավիրուսով վարակվածության 59 նոր դեպք է հաստատվել

Ապրիլի 28-ի ժամը 11:00-ի դրությամբ ՀՀ-ում կորոնավիրուսով վարակվածների թիվը հասել է 1867-ի՝ վերջին 24 ժամում ավելանալով 59-ով: Մահացության մեկ նոր դեպք է գրանցվել, առողջացել են 18-ը:

Նորություններ

# COVID-19

# առողջապահություն

# Հայաստան

Նմուշառման տարաները տեղափոխվում են հատուկ կարգով / © Նորքի ԻԿՀ / Հեղինակ՝ անհայտ, լուսանկարը տրամադրել է օգտատերը

ՀՀ ԱՆ Հիվանդությունների վերահսկման և կանխարգելման ազգային կենտրոնի հաղորդմամբ՝ Covid-19 կորոնավիրուսով վարակվածների թիվը Հայաստանում դարձել է 1867՝ վերջին մեկ օրվա ընթացքում ավելանալով 59-ով:

Մահացության մեկ նոր դեպք է գրանցվել: Հաղորդվում է, որ պացիենտը եղել է 67 տարեկան և ունեցել է ուղեկցող խրոնիկական հիվանդություններ: Մահացածների թիվն, այսպիսով, հասել է 30-ի:

https://www.facebook.com/ministryofhealthcare/posts/2624935741080872

Առողջացածների թիվը հասել է 866-ի. նախորդ օրն առողջացել են 18-ը: Ապրիլի 27-ին կատարվել է ընդհանուր առմամբ 749 թեստավորում, որից 690-ը բացասական են եղել: Փաստացի բուժում է ստանում 971 պացիենտ:

Նախարար Արսեն Թորոսյանը տեսահոլովակ է հրապարակել, որտեղ երեխաների և ծնողների համար կարևոր ցուցումներ են տրվում:

https://www.facebook.com/ATorosyanOfficial/videos/1261303477406076/

Ինչպես պահպանել կանոնները / © iCommunications

Պաշտպանության նախարարությունն իր հերթին ձեռնարկել է միջոցառումներ՝ կորոնավիրուսի վարակը նորակոչիկների միջոցով բանակ չներթափանցելու համար:

https://www.facebook.com/shushanstepanyan/posts/2851784961524312

ՊՆ մամուլի քարտուղար Շուշան Ստեփանյանը նշել է, որ զորամասերում զորակոչիկները 14 օր գտնվելու են առանձնացված տեղամասում՝ զորամասի բուժանձնակազմի բժշկական խիստ մշտադիտարկման ներքո, ըստ անհրաժեշտության՝ նաև թեստավորվելու են։

Վրիպա՞կ գտաք։ Նշեք հատվածը և սեղմեք Ctrl + Enter։