Մաթեմատիկոսները պարզել են` որտեղ է մեքենան կայանելու ամենալավ տեղը

Մաթեմատիկան կարող է կանխատեսել աստղերի և մոլորակների շարժումները, բնության ռիթմը և օգնել ստեղծելու բարդ հաշվողական համակարգեր: Բայց այս գիտությունն ընդունակ է պատասխանելու նաև կենցաղային հարցերին: Օրինակ՝ որտեղ է մեքենան կայանելն ավելի լավ՝ առաջին իսկ պատահած տեղո՞ւմ, թե՞ փնտրել ելքին ավելի մոտ հատված:

Գիտնականների համոզմամբ՝ լավագույն կայանատեղին այն է, որը կրճատում է կայանատեղիում անցկացվող ժամանակը: Այնպես որ՝ մուտքի մոտ կայանելը հրաշալի է, եթե երկար չեք սպասելու, մինչև այնտեղ տեղ ազատվի: Ժամանակը կրճատելու համար արդյունավետ վարորդը պետք է որոշի, թե որտեղ կայանի:

Իրենց աշխատությունում գիտնականները դիտարկել են կատարելագործված միաշար կայանատեղիում կայանման երեք հասարակ ռազմավարություններ: Այնտեղ կարելի է մտնել մի կողմից և դուրս գալ միայն հակառակ կողմից: Առաջին իսկ հասանելի տեղում կանգնող վարորդները հետևում են գիտնականների սահմանած «հեզ ռազմավարությանը»: Նրանք ժամանակ չեն կորցնում կայանատեղի որոնելու համար: Նրանք, ովքեր կայանում են մուտքի մոտ, ունեն «օպտիմիստական ռազմավարություն»: Նրանք հասնում են մինչև մուտքի մոտ և վերադառնում մոտակա ազատ տեղը:

«Ողջախոհ» վարորդներն ընտրում են միջին տարբերակը: Նրանք անցնում են առաջին ազատ տեղի մոտով՝ նախընտրելով մեկ այլ տեղ՝ գոնե երկրորդը: Երբ գտնում են ելքի մոտ հարմար տեղ, զբաղեցնում են այն: Եթե մուտքի և ամենավերջում կանգնած մեքենայի միջև տեղ չի գտնվում, ողջախոհ վարորդը վերադառնում է այնտեղ, որտեղ կկանգներ «հեզաբարո» վարորդը:

Չնայած այս երեք ռազմավարությունների պարզունակությանը՝ հեղինակները ստիպված են եղել օգտագործել մի շարք մեթոդներ՝ դրանց արժանիքները հաշվարկելու համար: Պարզվել է, որ «հեզ» ստրատեգիան արտահայտել է այն դինամիկան, որը դիտարկվում է կենդանի բջիջների ներքին կմախքը կազմող միկրոխողովակներում: Միկրոխողովակների երկարության չափման հավասարումը նմանապես նկարագրել է «հեզ» ավտոմեքենաների շղթան, որոնք հավաքվում են տարածքի ամենավերջում:

«Օպտիմիստական ռազմավարության» մոդելավորման համար հեղինակները դիֆերենցիալ հավասարում են գրել: Երբ նրանք սկսել են մաթեմատիկորեն արտահայտել այդ սցենարը, նկատել են խելամիտ տարբերանշան, որն էականորեն նվազեցրել է դիտարկվող տարբերակները: Գիտնականների խոսքով՝ ողջախոհ ռազմավարությունը սկզբում շատ բարդ է թվացել՝ նկատի ունենալով տարբերակների մեծ քանակը: Հեղինակները մոտեցել են դրան՝ ստեղծելով համակարգչային մոդել, որը թույլ է տալիս հաշվարկել մեքենաների միջին կոմպակտությունը և ազատ տեղերի պահանջվող քանակը:

Եվ ո՞րն է ամենալավ ռազմավարությունը: Ինչպես ենթադրում է անվանումը՝ ողջախոհը: Ընդհանուր առմամբ՝ այն թույլ է տալիս վարորդներին ծախսելու ամենաքիչ ժամանակը: Հեզ ռազմավարությունը, պարզվեց, ծիծաղաշարժ ապարդյունն է, քանի որ շատ տեղեր, որոնք մնացել են չզբաղեցված, թույլ էին տալիս քիչ ժամանակ ծախսել կայանատեղիից դուրս գալու համար: