list-ում «բալ» են վաճառում. միջին գինը 60 հազար դրամ է

Ոլորտի ներկայացուցիչները նշել են, որ թեև «բալ վաճառելն» ապօրինի է, սակայն տեխնիկապես հնարավոր է:

Նորություններ

Տուգանված մեքենաներ / ©Police RA / Автор: неизвестен, фото предоставлено пользователем

2020թ. հունվարի 1-ից ուժի մեջ են մտել Ճանապարհային երթևեկության նոր կանոնները, մասնավորապես՝ տուգանային միավորները (բալեր): Նոր կարգի համաձայն՝ խախտումների դիմաց դրամային տուգանքից բացի վարորդից հանվելու է համապատասխան միավոր: Դրանք սպառելուց հետո վարորդական իրավունքի վկայականը կասեցվում է:

Փոփոխությունները և սահմանված միավորները բերված են ստորև:

https://www.facebook.com/AVlawyersfirm/photos/a.104853880951110/143366803766484/?type=3

Վարորդների մի մասը դժգոհություն է հայտնել «բալային» նոր համակարգի վերաբերյալ: Նրանք հիմնականում բարձրաձայնել են Երևան քաղաքում կայանման և ճանապարհային կահավորման խնդիրների մասին, որոնց պատճառով հնարավոր է կարճ ժամանակով զրկվել միավորներից: Հիշեցնենք՝ 1 տարվա համար տրամադրվում է 9 բալ:

Այս թեմայի շուրջ քննարկումներին զուգահեռ list.am կայքում հայտնվել են հայտարարություններ, որտեղ «վաճառվում են բալեր»:

Դրանց գները տատանվում են 50-75 հազար դրամի սահմաններում՝ 1 բալի համար:

Այս առնչությամբ «Վարորդի ընկեր» ՀԿ նախագահ Տիգրան Քեյանը նշել է, որ թեև «բալ վաճառելն» ապօրինի է (սխալ տեղեկության հաղորդում), սակայն տեխնիկապես հնարավոր է:

Ոլորտի այլ ներկայացուցիչներ ևս նշել են, որ բալերի վաճառքի մասին հայտարարությունը կատակ է, սակայն հնարավոր է: Պարզապես դա օրենքով արգելված գործողություն է, հատկապես երբ իրական վարորդի փոխարեն ոստիկանություն ներկայանա այլ՝ գուցե և՝ գումարի դիմաց պատրաստակամություն հայտնած անձ:

Нашли опечатку? Выделите фрагмент и нажмите Ctrl + Enter.