Այսօր Իրանում ահաբեկչության հետևանքով սպանվել է ԻԻՀ ՊՆ Հետազոտությունների և նորարարությունների կազմակերպության ղեկավար, գիտնական-միջուկաբան և հրթիռագետ Մոհսեն Ֆահրիզադեն: Արտգործնախարարը մեղադրել է Իսրայելին:
Իսլամական հեղափոխության պահապանների կորպուսի տելեգրամյան ալիքները սպանության վայրից լուսանկարներ են հրապարակում՝ հաստատելով նրա սպանությունը: Տեղեկությունը հաստատել է նաև Իրանի Պաշտպանության նախարարությունը:
Ուշագրավ է, որ երկու տարի առաջ Իսրայելի վարչապետ Բենյամին Նեթանյահուն խոսել է Ֆահրիզադեի մասին՝ որպես միջուկային տեխնոլոգիաների ոլորտի գլխավոր մասնագետներից մեկի: Իսրայելցի նախկին պաշտոնյաներից մեկը Ֆահրիզադեին անվանել էր «միջուկային Սուլեյմանի»: Լիբանանյան աղբյուրն իր հերթին հիշեցրել է Նեթանյահուի հայտարարությունը. «Այս շաբաթ շատ բան արեցի, բայց չեմ կարող ասել, թե՝ ինչ»: Կարծիք են հայտնում, որ խոսքն անվանի գիտնականի սպանության մասին է, որը, նույն աղբյուրի տեղեկություններով, Թել Ավիվի և Վաշինգտոնի «ձեռքի գործն է»:
Իրանի արտգործնախարար Մուհամադ Ջավադ Զարիֆը մատնանշել է գիտնականի սպանության գործում Իսրայելի մասնակցության նշանները՝ միջազգային հանրությանը կոչ անելով դատապարտել այդ հանցագործությունը: Տելեգրամ-ալիքներից մեկը (Ekhnar-e Suriye) իր հերթին պնդում է, որ «սիոնիստական ռեժիմի» ահաբեկիչները, ովքեր սպանել են գիտնականին, Իրանի տարածք են ներթափանցել Ադրբեջանից:
Ինչպես արդեն հայտնի է՝ Բաքուն և Անկարան Սիրիայից շուրջ 4 հազար ահաբեկիչ են տեղափոխել Ադրբեջան՝ Արցախի դեմ պատերազմելու: Ռազմական գործողությունների ավարտից հետո վարձկան-ահաբեկիչները մնացել են Ադրբեջանում և Արցախի օկուպացված տարածքներում՝ Իրանի հետ սահմանին:
Որոշ փորձագետների կարծիքով՝ Ադրբեջանի դաշնակիցների՝ Թուրքիայի և Իսրայելի հիմնական թիրախն Արցախյան պատերազմում հենց Իրանն էր: Այդ մասին, հիշեցնենք, պատերազմի առաջին օրերին հայտարարեց նաև Արցախի նախագահ Արայիկ Հարությունյանը: Իրանն այս ընթացքում մեծ ուժեր է կենտրոնացրել Ադրբեջանի հետ սահմանին՝ անթույլատրելի համարելով իր սահմանների մոտ ահաբեկիչների առկայությունը:
Հավելենք նաև, որ Իրանի խորհրդարանի նախագահ Մ.Բ.Գալիբաֆը հայտարարել է, որ ժողովուրդը վճռական պատասխան է հասցնելու գիտնականի սպանության մեղավորներին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…