Չինաստանի նախագահը երկրի գեներալներին կոչ է արել պատրաստվել իրական պատերազմի — Շեշտ.am (shesht.am)
3 րոպե
Խմբագրություն

Չինաստանի նախագահը երկրի գեներալներին կոչ է արել պատրաստվել իրական պատերազմի

Սի Ցզինպինն իր գեներալներին հորդորել է չվախենալ մահից և անհաջողությունից, կենտրոնանալ պատերազմում հաղթանակին պատրաստվելու վրա: Թե ում դեմ են պատրաստվում մի քանի տասնյակ միլիոն զինվորները պատերազմել, չի բարձրաձայնվել:

Սի Ցզինպինի զորահանդեսի ժամանակ / © SCMP

Չինաստանի նախագահ Սի Ցզինպինը դիմել է երկրի զորահրամանատարներին՝ կոչ անելով պատրաստվել առաջիկա պատերազմի ռազմական գործողություններին:

Հաղորդվում է, որ նախագահի կոչը հնչել է դեռևս նոյեմբերի 25-ին՝ Չինաստանի Ժողովրդական-ազատագրական բանակի (ՉԺԱԲ) զորահրամանատարների հետ հանդիպման ժամանակ:

Սի Ցզինպինն իր գեներալներին հորդորել է չվախենալ մահից և անհաջողությունից, կենտրոնանալ պատերազմում հաղթանակին պատրաստվելու վրա: Թե ում դեմ են պատրաստվում մի քանի տասնյակ միլիոն զինվորները պատերազմել, չի բարձրաձայնվել:

Նշվում է, որ սա ՉԺՀ նախագահի կողմից պատերազմի պատրաստվելու վերաբերյալ առաջին հայտարարությունը չէ:

Դեռևս հոկտեմբերին չինական պետական տեղեկատվական գործակալությունը հաղորդել էր, որ Սի Ցզինպինը երկրի զինծառայողներին կոչ էր արել «գիտակցությունն ու էներգիան ուղղել պատերազմի պատրաստությանը»: Նա նաև պահանջել է պահպանել պատրաստվածության բարձր մակարդակը և «լինել բացարձակ օրինապահ, մաքուր և հուսալի բանակ»:

Այս հայտարարությունը նախագահն արել է Չաոզժոու քաղաքում՝ Ծովային հետևակի կորպուս այցելության ժամանակ: ՉԺՀ նախագահի խոսքով՝ մարտունակության ամրապնդումը հաջորդ հնգամյակի ամենակարևոր առաջնահերթությունն է լինելու: Ցզինպինը նշել է, որ պետք է հենվել առկա իրավիճակի վրա և հեռանկարային հայացք ունենալ, լրջորեն ուսումնասիրել և լուծել առկա հակասություններն ու իրական պահանջմունքները, ինչպես նաև նախատեսել ծովային հետևակի հզորացում:

Չինաստանում պարտադիր զորակոչի են ենթակա 18-22 տարեկան տղամարդիկ: Սակայն անհրաժեշտության դեպքում ՉԺՀ Պետական կոմիտեն և Կենտրոնական ռազմական խորհուրդը կարող են որոշում ընդունել՝ զորակոչի ենթարկելով 36-45 տարեկաններին: Այս պարագայում չինական բանակը կունենա ընդհանուր առմամբ մի քանի տասնյակ միլիոն զինվոր:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.