Real Madrid-ը Երևանում կունենա իր պաշտոնական ֆան-շարժումը
Հայաստանը կլինի 84-րդ երկիրը, որտեղ արքայական ակումբն իր պաշտոնական ֆան-շարժումը կունենա: Երկրպագուներն արդեն 13 տարի ակտիվ են, ունեն իրենց կայքը և ֆեյսբուքյան էջը:
Հայաստանը կլինի 84-րդ երկիրը, որտեղ իսպանական ֆուտբոլային ակումբն իր պաշտոնական ֆան-շարժումը կունենա: Ներկայումս Երևանում գործում է այդպիսի խումբ, որը հավանաբար սեպտեմբերին արքայական ակումբի կողմից պաշտոնական կարգավիճակ (Peña) կստանա: Այդպիսի կարգավիճակ այս պահին ունի 193 ֆան-շարժում՝ աշխարհի տարբեր հատվածներում:
Որոշումը պայմանավորված է նրանով, որ երևանյան երկրպագուներն արդեն 13 տարի շարունակ ակտիվ են եղել, ստեղծել են իրենց կայքը (RealMadrid.am), ունեն նույնանուն ֆեյսբուքյան էջ: Վերջինս ունի 110 հազար հետևորդ, ինչը 3 մլն բնակչություն ունեցող պետության համար բավականին մեծ թիվ է համարվում:
Հաղորդվում է, որ Երևանում գործող ֆան-շարժումը ներկայումս ունի 100 մասնակից, ովքեր նախապատրաստել են անհրաժեշտ փաստաթղթերը՝ մադրիդյան ակումբի կողմից պաշտոնապես ճանաչվելու համար: Ֆան-շարժման մասնակիցների թիվը տարեցտարի աճում է: Նշվում է, որ նախորդ տարի նրանց թիվը եղել է 60: Հետևորդները միայն Երևանից չեն, ժամանակակից տեխնոլոգիաների շնորհիվ ամբողջ Հանրապետությունից կան ակտիվ հետևորդներ:
Երևանյան ֆան-շարժումը ներկայումս ամենօրյա հրապարակումներ է կատարում, ակտիվորեն հետևում Real Madrid-ի հետ կապված նորություններին՝ դրանց մասին տեղեկացնելով հայաստանյան երկրպագուներին:
Մեկնաբանությունները