«Joker» ֆիլմը կներկայացվի «Օսկար 2020»-ի 16 անվանակարգերում
«Joker»-ն արդեն մրցանակի է արժանացել Վենետիկյան կինոփառատոնին, ինչպես նաև հանդիսանում է R վարկանիշ ունեցող ֆիլմերի շարքում աշխարհի ամենամեծ բյուջե ունեցողը:
Warner Bros. կինոստուդիան մտադիր է «Joker» ֆիլմը ներկայացնել «Օսկար 2020» մրցանակաբաշխության 16 հիմնական անվանակարգերում: Ընդհանուր 24 անվանակարգերից ֆիլմը կներկայացվի հետևյալ անվանակարգերում.
— Լավագույն ֆիլմ
— Լավագույն ռեժիսոր (Թոդ Ֆիլիփս)
— Լավագույն ադապտացված սցենար
— Տղամարդու լավագույն դեր (Խոակին Ֆենիքս)
— Երկրորդ պլանի լավագույն դերասան (Ռոբերտ դե Նիրո)
— Երկրորդ պլանի լավագույն դերասանուհի (Զազի Բից, Ֆրենսիս Քոնրոյ)
— Դերասանական լավագույն խումբ
— Օպերատորական լավագույն աշխատանք
— Նկարիչ-բեմադրողի լավագույն աշխատանք
— Լավագույն մոնտաժ
— Կոստյումների լավագույն դիզայն
— Լավագույն ձայնային մոնտաժ
— Լավագույն վիզուալ էֆեկտներ
— Լավագույն ձայն
— Լավագույն գրիմ ու վարսահարդարում
— Լավագույն երաժշտություն:
Մտադրությունն ինչքանո՞վ է իրատեսական կամ ի՞նչ արդյունքներ կգրանցի «Joker»-ն այս մրցանակաբաշխությունում, հայտնի կդառնա 2020թ. հունվարի 13-ին:
Ավելի վաղ մենք անդրադարձել էինք «Joker» ֆիլմին՝ նշելով, որ այն մեծ տարածում է ստացել թողարկումից բավականին կարճ ժամանակ հետո: Ֆիլմի հետ կապված համացանցում տարածում էին գտել նաև մեմեր՝ մի շարք կադրերի վերաբերյալ: Հավելենք նաև, որ «Joker»-ն արդեն մրցանակի է արժանացել Վենետիկյան կինոփառատոնին, ինչպես նաև հանդիսանում է ամերիկյան վարձույթում թողարկված, R վարկանիշ ունեցող ֆիլմերի շարքում աշխարհի ամենամեծ բյուջե ունեցողը: Նախատեսվում է, որ ֆիլմի համաշխարհային հասույթը կկազմի 900 մլն դոլար:
Մեկնաբանությունները