Այսօրվանից Վրաստանում ընտանեկան բռնարարներն էլեկտրոնային ապարանջան են կրելու
Ընտանեկան բռնությունը Վրաստանում ամենատարածված հանցագործություններից է: Բռնարարներին վերահսկելու նպատակով նրանց հատուկ ապարանջան են ամրացնելու, որն ահազանգելու է, երբ հանցագործը մոտենա զոհին:
Սեպտեմբերի 1-ից ուժի մեջ են մտել Վրաստանի Քրեական օրենսգրքի փոփոխությունները, որոնց համաձայն՝ ընտանեկան բռնության մեջ մեղադրվողները, ովքեր իրենց ընտանիքի անդամներին մոտենալու իրավունք չունեն, վերահսկվելու են էլեկտրոնային ապարանջանի միջոցով:
Ընտանիքի անդամներին մոտենալու արգելքներն ընտանեկան բռնության կանխման միջոցներից մեկն է: Այդ նպատակով ոստիկանությունը կանխարգելող կամ պաշտպանող հրամանագիր է տրամադրում, որն արգելում է բռնության զոհին մոտենալ որոշակի հեռավորության վրա:
Ուժի մեջ մտած փոփոխությունների համաձայն՝ ընտանեկան բռնության մեջ մեղադրվողին հրամանագրի տրման դեպքում էլեկտրոնային ապարանջան են ամրացնում, որը համապատասխան ազդանշան է արձակում, երբ մեղադրվողն իր զոհին է մոտենում:
Ազդանշանն առհամարելու, ապարանջանը հանելու միջոցով սահմանափակումը խախտելու համար սահմանված է պատիժ՝ տուգանք, հանրօգուտ աշխատանք 180-240 ժամ կամ մինչև մեկ տարով ազատազրկում:
Զսպող հրամանագիրը Վրաստանում ընտանեկան բռնության կանխարգելման ամենատարածված միջոցն է: Հունվարի 1-ից մինչև հունիսի 30-ը Վրաստանում տրամադրվել է նմանատիպ 5,3 հազար հրամանագիր: Նրանցից 3,8 հազարը տրամադրվել է տղամարդկանց, 761-ը՝ կանանց:
Վրաստանի ՆԳՆ տվյալներով՝ ընտանեկան բռնության զոհ են դառնում հիմնականում 25 տարեկանից բարձր կանայք: Կես տարվա ընթացքում ընտանեկան բռնության հետևանքով տուժել է 4 հազար կին և 831 տղամարդ, մահացել է 11 մարդ, վնասվածքներ են ստացել 12-ը: Նույն ժամանակահատվածում հարուցվել է 2,6 հազար քրեական գործ:
2014թ.-ից ընտանեկան բռնությունը Վրաստանի ՔՕ-ում առանձին հոդվածում է ամրագրված: 2014թ. երկրում ընտանեկան բռնության պատճառով զոհվել է 14 մարդ, ինչից հետո այս դեպքով պատժաչափերը խստացնելու անհրաժեշտություն է առաջացել: Սակայն մինչ օրս ընտանեկան բռնությունը Վրաստանում շարունակում է մնալ ամենատարածված հանցագործությունը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները