Հայաստանի քաղաքացիների անձնական տվյալները բաց են. ինչո՞ւ որևէ քայլ չի ձեռնարկվում — Շեշտ.am (shesht.am)
09.08.2019, 00:02
13 րոպե
Խմբագրություն

Հայաստանի քաղաքացիների անձնական տվյալները բաց են. ինչո՞ւ որևէ քայլ չի ձեռնարկվում

Յուրաքանչյուր ոք կարող է մուտք գործել ԿԸՀ կայք և ըստ անուն-ազգանվան գտնել անձի հաշվառման հասցեն: Մասնագետներն առաջարկում են կարգավորել այս հարցը, հատկապես ընտրությունների նկատմամբ վերաբերմունքի փոփոխությունից հետո։

Ընտրողի նույնականացում տեխնիկական սարքի միջոցով / ©verelq.am

ՀՀ Կենտրոնական ընտրական հանձնաժողովի որոշմամբ՝ ընտրողների սկանավորված ցուցակները տեղադրվում են ԿԸՀ կայքում՝ դրանցում ներառված տվյալները հասանելի դարձնելով բոլորին:

Որոշման համաձայն՝ սկանավորված ցուցակներում տեսանելի են լինում ընտրողի հերթական համարը, ազգանունը, անունը, հայրանունը, ծննդյան ամսաթիվը, հաշվառման վայրի հասցեն, ինչպես նաև ընտրողի ստորագրությունը:

Անձնական ի՞նչ տվյալներ և ինչպե՞ս են հրապարակվում

Ինչպես տեսանք, ԿԸՀ որոշմամբ՝ յուրաքանչյուր ոք կարող է տեսնել ընտրողի անձնական տվյալները՝ անուն-ազգանունը, հաշվառման հասցեն, ինչպես նաև ստորագրությունը:

Եղել են նաև դեպքեր, երբ տեսանելի են եղել ընտրողների անձնագրային տվյալները: Վերջիններս համարվում են կենսաչափական տվյալներ և հրապարակման ենթակա չեն:

ԿԸՀ կայք. Անուն-ազգանունը գրելով՝ մյուս տվյալները ներմուծում է ծրագիրը / ©elections.am

Օրինակ, 2017թ. ապրիլի 2-ի խորհրդարանական ընտրություններից հետո Անձնական տվյալների պաշտպանության գործակալությունը ԿԸՀ-ից պահանջել էր կայքից հեռացնել 4000 ընտրողի անձնագրային տվյալները, քանի որ դրանց հրապարակումը խախտում էր Անձնական տվյալների պաշտպանության մասին օրենքը:

Օրենքի համաձայն՝ Կենտրոնական ընտրական հանձնաժողովը կարող է հրապարակել անունը, ազգանունը և հաշվառման հասցեն: Այս տվյալները միշտ են հասանելի. ցանկացած ոք կարող է մուտք գործել ԿԸՀ պաշտոնական կայք և ըստ անուն-ազգանվան գտնել անձի հաշվառման հասցեն և ծննդյան ամսաթիվը:

Ինչո՞ւ են հրապարակվում մեր տվյալները

Այս հարցը բազմիցս բարձրացվել է քաղաքացիների, շահագրգիռ մարմինների և կազմակերպությունների կողմից, սակայն ընտրություններից առաջ և ընտրական ողջ գործընթացում անձնական տվյալների (ընտրողի անուն, ազգանուն, հայրանուն, ծննդյան ամսաթիվ և հաշվառման հասցե) հրապարակումը համարվում է ընտրությունների սահմանադրական գործընթացի երաշխավորման, կեղծարարության կանխման անհրաժեշտ միջոց:

Քվեարկությանը մասնակցած ընտրողների ցուցակ / ©panorama.am

Ընտրությունների ավարտից հետո հաջորդ օրը ժամը 12:00-ից քվեարկությանը մասնակցած ընտրողների ցուցակների սկանավորվում են: Դրանք ամենաուշը 24 ժամ հետո հրապարակվում են: Այստեղ արդեն, բացի վերոնշյալ տվյալներից, տեսանելի է նաև ընտրողի ստորագրությունը: Սահմանված կարգի հիմնավորումն այն է, որ ընտրական գործընթացում ընտրողի տվյալների հրապարակման միջոցով հնարավոր է դառնում շտկել անճշտությունները, բացառել ուրիշի փոխարեն քվեարկելու հնարավորությունը և իրականացնել վերահսկողական մի շարք գործառույթներ:

Բազմաթիվ մասնագետների կարծիքով՝ տեղեկությունների հասանելիությունը թեև խախտում է անձնական տվյալների գաղտնիությունը, ինչ-որ առումով հակասում համապատասխան օրենքին, սակայն Հայաստանում ընտրական գործընթացի նկատմամբ վստահություն նախկինում չկար, ուստի անձնական տվյալների հրապարակումն ինչ-որ չափով վերահսկողական մեխանիզմ էր։

Վտանգներ, մասնագիտական կարծիքներ

Դեռևս 2017թ. ԱԺ ընտրություններից հետո Մարդու իրավունքների պաշտպանի կողմից Արդարադատության նախարարությանը գրություն էր հասցեագրվել ԿԸՀ կողմից անձնական տվյալների հրապարակման կարգի խախտման վերաբերյալ:

Անձնական տվյալների պաշտպանության գործակալությունը ՄԻՊ-ի գրության հիման վրա կայացրել էր որոշում՝ Կենտրոնական ընտրական հանձնաժողովից պահանջելով 3 աշխատանքային օրվա ընթացքում փակել ընտրություններին մասնակցած քաղաքացիների անձնագրային տվյալները:

Ընտրողների անձնագրային տվյալների հրապարակումը հակասում է Անձնական տվյալների պաշտպանության մասին օրենքի…

Опубликовано Անձնական տվյալների պաշտպանության գործակալություն / Armenian PDPA Четверг, 18 мая 2017 г.

Սակայն ներկայումս ցանկացած պահի հնարավոր է այդ կայքից, իմանալով միայն անուն-ազգանունը, տեղեկանալ քաղաքացու հաշվառման հասցեի և ծննդյան ամսաթվի տվյալներին:

Անձնական տեղեկությունները խոցելի են դարձնում քաղաքացուն, հատկապես քիչ հանդիպող անուն-ազգանունով անձին: Կենսաչափական տվյալները, մասնագետների կարծիքով, հեշտությամբ կարող են այլ նպատակներով օգտագործվել պոտենցիալ հանցագործների, անձնական հաշվեհարդար ունեցողների, հաքերների և ընդհանրապես տվյալների հրապարակայնությունը շահադիտական նպատակներով կիրառել ցանկացողների կողմից:

Այս թեմային անդրադարձել է նաև տեղեկատվության անվտանգության փորձագետ Սամվել Մարտիրոսյանը: Նա առաջարկել է ընտրությունների ժամանակ ընտրողների անձնական տվյալները պարունակող ցուցակները տրամադրել կուսակցություններին, կամ հասանելիության համար սահմանել որոշակի ժամանակահատված, ընդ որում՝ միայն հայկական IP-ների համար։

Քանի որ մոտակա ժամանակ մեծ ընտրություններ չեն սպասվում, կոչ եմ անում ՀՀ իշխանություններին պաշտպանել քաղաքացիների…

Опубликовано Самвел Мартиросян Среда, 30 января 2019 г.

Նույն կարծիքին է նաև Ինֆորմացիայի ազատության կենտրոնի հիմնադիր Շուշան Դոյդոյանը: Նրա խոսքով՝ ԿԸՀ կայքում տվյալների հրապարակումը անձնական տվյալների պաշտպանության խախտում է՝ հատկապես երկարաժամկետ տեղադրման դեպքում, երբ կարելի է ներբեռնել, պահպանել դրանք:

Սակայն այլ կարծիքի են լրագրողները: Նրանց համար այդ տվյալները համարվում են տեղեկատվության բաց աղբյուր: Այդ տեղեկությունների միջոցով են լրագրողները հաճախ ճշտում պաշտոնյաների, նրանց հարազատների հասցեները և անհրաժեշտ այլ տվյալներ:

Նոր իշխանությունները և Հեղափոխությունից հետո տեղի ունեցած ընտրությունները որոշակի հույս են արթնացրել թեմայով մտահոգ շրջանակների մոտ: Վերջիններս արդեն բարձրաձայնում են այս ոլորտում համապատասխան փոփոխությունների անհրաժեշտությունը՝ լրագրողների համար առաջարկելով օրենսդրական այլ լուծումներ գտնել:

Անձնական տվյալների պահպանման միջազգային փորձը

Եվրոպական երկրներում, օրինակ, անձնական տվյալների պաշտպանությունը բավականին բարձր մակարդակի վրա է: Այնտեղ տվյալների արտահոսքը կարող է խնդիրներ լուրջ առաջացնել։

Եվրոպայում անձնական տվյալների գաղտնիությանը մեծ նշանակություն են տալիս հատկապես երիտասարդները: Նախընտրական քարոզչության ընթացքում եվրոպացի պաշտոնյաներն իրենց խոստումներում շեշտում են անձնական տվյալների պաշտպանության ուղղությամբ նախատեսվող աշխատանքներին, իսկ ընտրողները մեծ կարևորություն են տալիս այդ հարցում ամենախիստ դիրքորոշումներին:

Եվրամիությունը 2018թ. մայիսին խստացրել է ընտրություններից առաջ կուսակցությունների և ֆոնդերի կողմից ընտրողների անձնական տվյալների հավաքագրման համար նախատեսված պատժաչափը՝ դրանով կանխարգելելով նաև տվյալների հավաքագրումը:

Դիտարկել ենք, օրինակ, Ուկրաինայում և Ռուսաստանում ընտրական գործընթացների հետ կապված անձնական տվյալների հրապարակայնությունը: Երկու երկրներում էլ Ընտրական հանձնաժողովների կայքերում յուրաքանչյուր ընտրողի համար առանձին բաժին է հատկացված, որտեղ տվյալները կարող է տեսնել միայն այդ տվյալների սեփականատերը: Ի տարբերություն ՀՀ ԿԸՀ կայքի, այդ երկրներում օգտատերն ինքն է մուտքագրում իր բոլոր տվյալները, որից հետո միայն սահմանափակ ժամանակով կարող է տեսնել ընտրության հետ կապված տեղեկություններ՝ իր համարը, ընտրատեղամասը:

Իսկ օրինակ ԱՄՆ-ում քաղաքական գործիչները հաճախ են դիմում ընտրողների վերաբերյալ տվյալների հավաքագրման միջոցով ձայներ ստանալու տարբերակին: Այս առումով հիշենք ամերիկացիների մեղադրանքները ռուսական ծառայություններին՝ ընտրություններին միջամտելու համար:

Հետաքրքրական է Օբամայի երկրորդ ժամկետի ընտրությունը, երբ հատուկ ծրագրի միջոցով մի քանի ամսում յուրաքանչյուր ընտրողի վերաբերյալ հավաքվել է 800 միավոր տեղեկություն, որոնք Օբամայի վարչակազմի կողմից կրկին հաղթելու լավ միջոց են հանդիսացել: Այս երևույթն ԱՄՆ-ում արդեն լուրջ սպառնալիք է դարձել, և իշխանությունները որոշել են պայքարել քաղաքացիների անձնական տվյալների պաշտպանության համար:

Ամենաընթերցվածը

22.02.2020, 22:48
12 րոպե
Խմբագրություն

Մեկ վարակվածը կարող է վարակել 600 ուղևորների, իրավիճակը վատթարանում է, իսկ մահացածների մասին հայտարարում է նավապետը, ով նավը վերջինն է լքելու:

երեկ, 18:02
20 րոպե
Խմբագրություն

Առողջապահության ոլորտի ներկայացուցիչները սառնասրտորեն են վերաբերվում կորոնավիրուսից մահացություններին ու վարակի տարածմանը, մինչդեռ օգտատերերը տագնապալից կերպով պահանջում են փակել հայ-իրանական սահմանը: Համեմատենք մասնագիտական տեղեկությունները և առկա իրավիճակը:

22.02.2020, 18:15
2 րոպե
Խմբագրություն

Նոր տեսակի կորոնավիրուսով վարակվածների թիվն Իրանում հասել 28-ի: Նրանք հիմնականում Ղոմ քաղաքում են: Վրաստանում Իրանի քաղաքացին 2 երեխաների հետ օդանավակայանից հոսպիտալացվել է՝ կորոնավիրուսի կասկածանքով:

22.02.2020, 22:48
12 րոպե
Խմբագրություն

Մեկ վարակվածը կարող է վարակել 600 ուղևորների, իրավիճակը վատթարանում է, իսկ մահացածների մասին հայտարարում է նավապետը, ով նավը վերջինն է լքելու:

20.02.2020, 22:23
8 րոպե
Խմբագրություն

Գիտնականների միջազգային խումբը հայտարարությամբ է հանդես եկել՝ քննադատելով դավադրության տեսությունները, ըստ որոնց՝ Covid-19 հիվանդության հարուցիչ կորոնավիրուսը ստեղծվել է լաբորատորիաներում:

21.02.2020, 17:26
4 րոպե
Խմբագրություն

Իրանում առաջիկայում Նովրուզի տոնն է, երբ մեծ թվով իրանցիներ այցելում են Հայաստան: Այդ կապակցությամբ ուժեղացվել է հսկողությունն ինչպես Մեղրիի անցակետում, այնպես էլ օդանավակայանում: Նախարար Թորոսյանը նաև մի քանի խորհուրդներ է հրապարակել՝ վարակներից պաշտպանվելու համար:

30.01.2020, 14:40
3 րոպե
Խմբագրություն

Շփոթմունքն արդեն մեմերի առիթ է դարձել, բայց եթե ինչ-որ մեկը կասկածի՝ ոչ, Corona գարեջուրը կորոնավիրուսի հետ ոչ մի կապ չունի:

25.01.2020, 17:33
33 րոպե
Խմբագրություն

Նոր կորոնավիրուսը հին ատիպիկ թոքաբորբի «հարազատն» է: Այն արդեն մի քանի տասնյակ մարդու մահվան պատճառ է դարձել: Համարվում է, որ վարակվածների թիվը մի քանի հազարի է հասել: Հայտնի է, որ համաճարակը բռնկվել է Չինաստանում: Բայց դա խուճապի մատնվելու պատճառ չէ: Հավաքվել է հայտնի ամբողջ տեղեկատվությունը և փորձ է արվել պատասխանել նոր հիվանդության վերաբերյալ գլխավոր հարցերին:

25.01.2020, 11:44
2 րոպե
Խմբագրություն

Իշխանությունները շինարարներին վճարում են օրական 1200 յուան (մոտ 82 հազար դրամ), ինչը սովորական վարձատրության համեմատ 3 անգամ բարձր է:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.