Այս ամենն արդեն եղել է «Սիմփսոններում». ինչպես մուլտսերիայի «կանխատեսումները» դարձան համացանցային ֆենոմեն և ինչ են մտածում այդ մասին հեղինակները

Սոցցանցերի միջին վիճակագրական օգտատերերը ամենաերկար հեռուստաշոուներից մեկում նկատում են ապագայի «կանխատեսումներ». սցենարիստները գուշակում են Թրամփի նախագահությունը, կորոնավիրուսի համավարակը: Իրականում այդ ամենի հետևում մշակութային ուղերձներ ու գիտական մեկնաբանություններ են:

Ամեն ինչ սկսվել է 9/11-ի մասին դավադրության տեսությունից

Հաղորդվում է, որ «Սիմփսոնների» առաջին «կանխատեսումը» հրապարակվել է 2006թ. հուլիսին՝ 2001թ. սեպտեմբերի 11-ի ահաբեկչական գործողությունների վերաբերյալ կոնսպիրոլոգիական տեսություններին նվիրված ֆորումի ժամանակ: Օգտատերը հրապարակել է կադր 1997թ. թողարկված «Նյու Յորքն ընդդեմ Գոմեր Սիմփսոնի» սերիայից, որտեղ Լիզայի ձեռքին Նյու Յորքի 9 դոլարանոց տոմսի կուպոնով ամսագիրը: Նկարում պատկերված է նաև Համաշխարհային առևտրային կենտրոնը: Ֆորումի ժամանակ որոշել են, որ նկարում արտահայտված է 9/11-ը, և դրանում նկատել են ապագա ահաբեկչության կանխատեսումը:

Կոնսպիրոլոգներն առաջարկել են «Սիմփսոններում» գտնել «կանխատեսումներ, օրինակ՝ 2010թ. մայիսին թողարկված «Լրտեսել սիրով» սերիայում նկատել են ԱՄՆ իշխանությունների կողմից սեփական քաղաքացիների նկատմամբ միջուկային գաղտնի հարվածի «նախազգուշացում»: Այն, իբր, պետք է տեղի ունենա 2010թ. նոյեմբերի 6-ին: Համարվել է, որ կանխատեսումը չի իրականացվել, քանի որ շոուի հանդիսատեսը հասցրել է այն «բացահայտել»: Այն ժամանակ էլ ԶԼՄ-ներում հիշեցին 9/11-ի մասին առաջին «կանխատեսման» մասին:

Կոնսպիրոլոգիայից՝ մեմ

2012թ. «Սիմփսոնների» կոնսպիրոլոգիական «կանխատեսումները» վերածվեցին ծաղրի: Tumblr-ում հայտնվեց «Դա արդեն եղել է Սիմփսոններում» բլոգը՝ կոչված 2002թ. «Հարավային այգու» կադրի, որտեղ դերակատարները հասկանում են, որ դիպաշարային շրջաններն արդեն եղել են Մեթ Գրոունինգի սերիալում: Tumblr-բլոգի հեղինակները տեղադրել են իրական կյանքից դեպքեր, որոնք հիշեցնում են շոուի կադրերը: Հրապարակումներից առաջինն աղջկա մասին էր, ում ձեռքը մնացել էր առևտրային սարքի մեջ. նույնը տեղի է ունեցել Գոմերի հետ՝ 1993թ.-ի «Մարջը վազքի մեջ» սերիայում:

Միևնույն ժամանակ Reddit-ում սկսել են հրապարակել ոչ միայն իրական կյանքի «կանխատեսումներ», այլև դիպաշարային շրջաններ այլ ֆիլմերից կամ շոուներից, որոնք նախկինում օգտագործվել են «Սիմփսոններում:

2013-ից հետո ԶԼՄ-ներում սկսել են հավաքել «ամենատարօրինակ կանխատեսումները»՝ խելացի ժամացույցեր, տեքստի ինքնախմբագրի սխալ աշխատանք, նոր «Աստղային պատերազմներ», Դոնալդ Թրամփի նախագահություն և կորոնավիրուսի համավարակ: «Իրականացած կանխատեսումները» քննարկվում են սոցցանցերում, ԶԼՄ-ները ցուցակագրում են «պատվիրանները», որոնք կարող են կատարվել ընթացիկ տարում, իսկ օգտատերերը տեղեկատվական գծապատկեր են ստեղծել, որտեղ միավորված են կադրերի թողարկման և իրականացած «կանխատեսումների» ժամկետները:

«Սիմփսոնների կանխատեսումները» ֆենոմենը նույնիսկ դուրս եկավ համացանցից. շոտլանդական համալսարանում դասընթացներ են անցկացվում այն մասի, թե ինչպես է սերիալում կանխատեսվում ապագան: Շոուի սեփականատերերը տեղյակ են մեմերի մասին, ուստի Disney+ սթրիմինգային ծառայությունը հավաքել է շոուի կադրերը, որտեղ ապագան «կանխատեսվել» է:

«Կանխատեսումները»՝ հավանականության և հոգեբանության տեսակետից

«Սիմփսոնները» եթեր են հեռարձակվել 1989թ.: Հեռուստատեսությամբ ցուցադրվել է 31 եթերաշրջան կամ 683 սերիա: Հաշվի առնելով, որ տարեկան թողարկվում է 22-25 սերիա, «կանխատեսումների» և իրականացած երևույթների միջև կարող է այնքան ժամանակ անցնել, որ հեղինակները չէին կարող չգուշակել գոնե մի քանիսը:

Դա պայմանավորված է «շատ մեծ թվերի օրենքով». հավանականության տեսության սկզբունքը, որը ներկայացրել է Հարվարդի մաթեմատիկոսներ Պերսի Դիակոնիսը ֆրեդերիկ Մոստելերը՝ 1989թ.: Ըստ այդմ՝ մեծ ընտրության դեպքում որևէ երևույթի տեղի ունենալու հավանականությունը մեծ է: Դրան համաձայնվել է նաև շոուռաներ Էլ Ջինը՝ նշելով, որ բազմաթիվ կանխատեսումների դեպքում դրանց 10%-ը կարող է իրականանալ:

Այդ օրենքը լավագույնս դրսևորվում է «Elementary School Musical» սերիայում (2012թ.), որտեղ խաղադրուք է կատարվում Նոբելյան մրցանակակրի վրա: 20 «կանխատեսումներից» 1-ն իրականացել է 2014թ. (Ուիլյամ Մյորնոր, քիմիա), ևս 2-ը՝ 2016թ. (Բենգթ Հոլմստրյոմ, էկոնոմիկա, Բերնարդ Ֆերինգ, քիմիա): Այդպիսով՝ սցենարիստները գուշակել են դափնեկիրների 15%-ին: «Կանխատեսումները» վաղեմության ժամկետ չունեն. հնարավոր է՝ ապագայում նոր «կանխատեսումներ» իրականանան:

«Կանխատեսումները» բացատրվում են նաև նրանով, որ դիտողները շարունակում են փնտրել նոր «կանխատեսումներ»՝ ուշադրություն չդարձնելով չիրականացածներին, որոնք անթիվ են: Սերիալում «կանխատեսում» կարող է համարվել ոչ միայն դիպաշարը, այլև կատակը, կամ ինչ-որ պատկեր:

1995թ. «Լիզայի հարսանիքը» սերիայում, որի գործողությունները տեղի են ունենում 2010թ., ենթադրվել, որ ապագայում հոլոգրաֆիկ ծառեր կհայտնվեն, Բիգ Բենի ժամացույցը կդառնա թվային, իսկ ստացիոնար հեռախոսը կմնա արդիական: Դրանցից ոչ մեկն այդպես էլ չի իրականացել:

«Կյանքը նմանակում է մշակույթին»

Սցենարիստները «կանխատեսումները» մեկնաբանում են նրանով, որ լավ են հասկանում տեղի ունեցող գործողությունների մշակութային ֆոնը: Էլ Ջինը նշել է, որ թողարկվում են արտադրումից մեկ տարի անց, ուստի ստեղծողները պետք է «ավելի վաղ մտածեն ապագա տրամադրությունների մասին»:

«Սիմփսոնների» հեղինակ Մեթ Գրոունինգը նշել է, որ վերցվում է ամենաանհնար, անհավատալի, անմիտ, տափակ հումորը, որը չի կարող իրականանալ, բայց պարզվում է, որ պատկերացումը շատ լավ է աշխատում:

Շոուի լավագույն «կանխատեսումներից» է համարվում Դոնալդ Թրամփի նախագահությունը, որի մասին կատակել են 2000թ. «Բարտն ապագայում» սերիայում: Սակայն դա հենց այնպես չի վերցվել. 90-ականների վերջերից Թրամփին արդեն նմանակել են բազմաթիվ ֆիլմերում ու երաժշտական հոլովակներում, իսկ 2000թ. ձեռնարկատերն իրականում մասնակցել է նախագահական ընտրություններին: Նա առաջադրվել է Բարեփոխումների կուսակցությունից, երկու նահանգում հաղթել առաջնային ընտրություններում, բայց հետո դուրս է եկել մրցապայքարից:

Սցենարիստ Մայք Ռեյսը պատմել է, որ 2000թ. մտածել են, թե Թրամփի նախագահ դառնալն ամենանմիտ կատակն է, որին ընդունակ է Ամերիկան: Նրա տեսակետը հաստատել է մեկ այլ շոու սցենարիստ Դեն Գրինին:

1998թ. «Երբ ցանկանում ես աստղերից վեր լինել» սերիայի «կանխատեսումը» Disney-ի ու Fox-ի մասին նույնպես ունեցել է մշակութային ուղերձներ: 90-ականների վերջին ընկերությունն արդեն ձեռք է բերել մեդիահոլդինգներ, օրինակ՝ 1996թ. մեդիակոնգլոմերատը գնել է ամերիկյան ABC-ն և ESPN-ը: Բացի այդ, «Սիմփսոնների» ստեղծողները միշտ ծաղրել են Fox-ին:

Այլ «կանխատեսումներ» կարելի է բացատրել սցենարիստների կրթվածությամբ: 1998թ. «Հավերժ կանաչ ծառուղու կախարդը» սերիայում Գոմերը գրեթե հստակ գուշակել է Հիգսի բոզոնի նոր մասնիկի զանգվածը, որը բացահայտվել է 14 տարի անց: Ջինը նշել է, որ այդ սերիայի վրա աշխատել է սցենարիստ Դևիդ Կոհենը, ով Հարվարդում ֆիզիկայի բակալավրի աստիճան է ստացել, և կատարել է հիմնավորված ենթադրություն:

Ստացվում է, որ «կանխատեսումներ» են անվանում իրադրությունները, որոնց մասին հանրությունն արդեն մոռացել է: 1993թ. «Լիզան սառույցի վրա» սերիայում նախազգուշացվում է, որ ապագայում տեքստի ինքնախմբագրումը լավ չի գործելու: Սակայն այն ժամանակվա համատեքստում սերիալը ստեղծողները կատակել են Apple Newton-ի՝ գրպանի առաջին համակարգիչների մասին, որը քննադատել են ձեռքով հավաքվող տեքսը սխալ գրանցելու համար:

Այդ կադրը ոչ թե կանխատեսել է ապագան, այլ ինչ-որ չափով ազդել նրա վրա: iOS-ի մշակման գծով փոխնախագահ Սքոտ Ֆորստոլը նշել է, որ կատակն ընկերության գրասենյակում տարածում է գտել առաջին iPhone-ի մշակման ժամանակ: Այն հիշեցրել է, որ ստեղնաշար ստեղծելիս չսխալվելը կարևոր է:

Երբեմն «կանխատեսումները» վերցվում են անցյալից և կրկնվում են ապագայում: Այսպես, սոցցանցերում որոշել են, որ 2012թ. «Լիզան և Գագան» սերիայում կանխատեսվել է Լեդի Գագայի ելույթը Սուպերբոուլ-2017-ին: Սակայն երգչուհին նույն տեսքով հանդես է եկել նաև 2011թ., իսկ Ջինը հաստատել է, որ Լեդի Գագայի նախորդ համերգներն են նմանակվել:

Մենք իլումինատներ ենք

«Սիմփսոնների» կանխատեսումները շարունակում են փնտրել մինչ օրս: Այժմ սոցցանցերում որոշել են, որ 1993թ. «Մարջի շղթաները» սերիան արտահայտել է միաժամանակ և Covid-19 կորոնավիրուսը, և ԱՄՆ-ի վրա «ձիաբոռ-մարդասպանների» հարձակումը:

Սակայն «Սիմփսոնների» ստեղծողներն արդեն հոգնել են պատասխանել իրենց «ունակությունների» վերաբերյալ հարցերին: Նախագծի ռեժիսոր Դևիդ Սիլվերմանն արդեն կատակել է, որ ««Սիմփսոնները կադր առ կադր կանխատեսում են ապագան», քանի որ սցենարիստներն իլյումինատներ են:

Իսկ այժմ նախկին սցենարիստ Բիլ Օքլին վերջապես համաձայնել է, որ իրենք առնվազն մեկ ճշմարիտ «կանխատեսում» են արել՝ կորոնավիրուսի մասին: