Հնդկաստանում անհայտ հիվանդություն է բռնկվել. 100-ավոր մարդիկ հոսպիտալացվել են
Հիվանդների մեծ մասը 20-30 տարեկան են: Գանգատներն են՝ ջղաձգություն, սրտխառնոց, հանկարծակի ուշագնացություն, էպիլեփսիայի նոպաներ՝ բերանից փրփուրով, գլխապտույտ, աչքերի այրոց, մեջքի ցավեր, դող, մոռացկոտություն և անհանգստություն: Պատճառը դեռ հայտնի չէ, բայց իշխանությունները վստահեցնում են, որ այն մարդուց մարդուն չի փոխանցվում:
Հնդկաստանի արևելյան ափամերձ Անդհրա-Պրադեշ նահանգում անհայտ տեսակի հիվանդության բռնկում է գրանցվել: Հիվանդության դեպքերը գրանցվել ավելի քան 200 հազար բնակիչ ունեցող Էլուրու քաղաքում և նրա մերձակայքում:
Շաբաթ օրվանից սկսած՝ հոսպիտալացվել է շուրջ 340 մարդ (այլ տվյալներով՝ 450-ից ավելի): Նրանցից 45-ը 12 տարեկանից փոքր երեխաներ են: Ներկայումս բժիշկների հսկողության տակ է 157 պացիենտ, 168-ը դուրս են գրվել: 45-ամյա մի տղամարդ մահացել է. մահվան պատճառ է նշվում սրտի նոպան:
Հիվանդների մեծ մասը 20-30 տարեկան են: Նրանք գանգատվել են ջղաձգությունից, սրտխառնոցից, հանկարծակի ուշագնացությունից, էպիլեփսիայի նոպաներից, որոնք տևել են մոտ 3-5 րոպե և ուղեկցվել են բերանից փրփուրով, գլխապտույտով, աչքերի այրոցով, մեջքի ցավերով, դողով, մոռացկոտությամբ և անհանգստությամբ: Մարդուց մարդուն փոխանցման դեպքեր առայժմ չեն արձանագրվել:
Իշխանությունները և առողջապահության ոլորտի ներկայացուցիչները դեռևս չեն պարզել հիվանդության պատճառները: Հոսպիտալացվածներին, ամեն դեպքում, Covid-19-ի թեստավորում են կատարել. բոլորի մոտ բացասական են եղել: Նրանց մոտ վարակիչ այլ հիվանդություններ նույնպես չեն հայտնաբերվել: Ողնուղեղի հեղուկի մակարդակը նույնպես նորմայում է եղել:
Ընդդիմադիրները հայտարարել են, որ հիվանդության պատճառը կեղտոտ ջուրն է և պահանջել են Արտակարգ դրություն սահմանել, սակայն տուժած շրջաններից վերցված նմուշները կեղտոտվածությունն առայժմ չեն հաստատել: Նահանգի գլխավոր նախարար Ջագանմոհան Ռեդին նշել է, որ հիվանդների շրջանում չկան այնպիսի մարդիկ, որոնք կապ չունեն քաղաքային ջրամատակարարման հետ:
Պացիենտների արյան և վերջին շրջանում օգտագործած սննդի անալիզներն ուղարկել են դատաբժշկական փորձաքննության լաբորատորիա: Քանզի տուժածները նույն քաղաքից են, համարվում է, որ հիվանդությունը տեղային բնույթ ունի, բայց հստակ պատճառներ լաբորատորիան դեռ չի հայտնել:
Հնդկաստանի Առողջապահության նախարարությունը հետազոտության համար 3 բժիշկների ներգրավմամբ հատուկ խումբ է ձևավորել՝ դեպքի վայր այցելելու և եզրակացություններ անելու:
Միևնույն ժամանակ՝ տեղի որոշ ԶԼՄ-ներ գրել են, որ հիվանդությունը կարող էին առաջացնել տոքսիկ քլորօրգանական միացությունները և մոծակներից պաշտպանվելու միջոցները: Տեղեկատվությունը պաշտոնապես հաստատված չէ:
Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:
«Ռեալիստի» գլխավոր խմբագրի համոզմամբ` «Զանգեզուրի միջանցքն» աշխարհաքաղաքական «տուրք» է, որը Կրեմլը վճարում է Ռուսաստանի վրա չհարձակվելու երաշխիքի դիմաց: Նրա խոսքով` Արարատի մարզում ռուսական ուղղաթիռի խոցումն Անկարայի կողմից Մոսկվային ուղղված ուղիղ սպառնալիք է հենց այդ համատեքստում:
Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:
Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:
Կուսակցություններից մեկի Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար նույն գրասենյակի քարտուղար Ս. Զ.-ի՝ Գավառ քաղաքում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:
Հաղորդվում է, որ ապօրինի գույքի բռնագանձման մասին օրենքն առաջին անգամ գործի է դրվել: Վլադիմիր Գասպարյանին և նրա հետ կապված անձանց պատկանող 4 առանձնատուն է բռնագանձվել, 2 բնակարան, 3 հողակտոր, 4 մեքենա, 1 ավտոտնակ: Սերոբ Հարությունյանը և նրա «զինակիցները» զրկվել են 2 բնակարանից, Հյուսիսային պողոտայի 2 կայանատեղիներից, 1 մեքենայից և 1 անշարժ գույքից:
Մեկնաբանությունները