Առաջարկել են ծխախոտի մնացուկներից շինարարական աղյուսներ պատրաստել

Աշխարհում տարեկան արտադրվում է 6 մլրդ ծխախոտ, որոնք վերջնարդյունքում վերածվում են ավելի քան 1 մլն տոննա տոքսիկ արտանետումների՝ հայտնվելով շրջակա միջավայրում:

Ավստրալացի գիտնականների խումբը պրոֆեսոր Աբաս Մոհարջերանիի գլխավորությամբ իր առջև առաջադրանք է դրել լուծել այդ խնդիրը և պարզել է, որ շինարարական աղյուսների բաղադրությունում 1%-ը վերամշակված ծխուկ լինելու դեպքում աղյուսի որակի վրա չի ազդում և, միաժամանակ, 10%-ով նվազեցնում է արտադրական էներգիան: Բացի այդ՝ հետազոտողները հաշվարկել են, որ եթե աշխարհի աղյուսային արտադրական հզորության 2,5%-ը ստանա ծխուկների 1%-անոց հավելում, ապա լիովին կլուծվի ծխախոտային մնացուկների հարցը:

Գիտնականներն արդեն մշակել են մանրամասն ծրագիրը, որը ցույց է տալիս, թե ինչպես է հնարավոր հավաքել ծխուկները և վերամշակել շինանյութի՝ արդյունաբերական ծավալներով: Նրանք իրենց առաջարկությունը հրապարակել են՝ հույս ունենալով դրդել աղյուսներ արտադրողներին և իրենց գաղափարներն իրականացնելու համար արդյունաբերություն օգտահանողներին:

Պրոֆեսոր Մոհարջերանիի խոսքով՝ աշխատանքների վերջնանպատակը ծխախոտային մնացուկներից զերծ աշխարհն է: Գիտնականն ու իր թիմը, նաև, գործնական քայլեր են առաջարկում, որոնք անհրաժեշտ են գաղափարը կյանքի կոչելու համար:

Закладка

Скопировать ссылку

Email

Печать

Twitter

VK

Telegram