NASA-յի կողմից անցկացվող «վեներագնացների» բաց մրցույթի հաղթողները հայտնի են

Վեներայի հետազոտության համար սարքերի մրցույթում հաղթող է ճանաչվել եգիպտացի Յուզեֆ Ղալին: Նրա «վեներագնացն» աշխատելու է քամու էներգիայով:

Գիտություն

# AREE

# HeroX

# NASA

# Վեներա

«Վեներագնաց» / © NASA/HeroX/Youssef Ghali / Հեղինակ՝ անհայտ, լուսանկարը տրամադրել է օգտատերը

Վեներայի խիտ, շիկացած, փոթորկոտ ու թունավոր մթնոլորտն այդ մոլորակի վրա ցանկացած սարքավորման վայրէջքն անհավատալի բարդ է դարձնում: Բավական է հիշել, որ մարսագնացները Կարմիր մոլորակում տարիներով արդյունավետ աշխատում են, սակայն Վեներայի համար «գոյատևման« ռեկորդն ընդամենը 56 րոպե է: Այդքան է նրա մակերեսին աշխատել խորհրդային «Վեգա-2» վայրէջքային զոնդը:

Վեներայի հետազոտությունների համար սարքավորման ստեղծումը պահանջում է արտասովոր կառուցվածքային լուծումներ: NASA-ն օգնության խնդրանքով դիմել է լայն հանրությանը: 2020թ. փետրվարին գործակալությունը հայտարարել է «Ուսումնասիրելով թույնը» (Exploring Hell) բաց մրցույթը, որի մասնակիցներին առաջարկվել է նախագծել «էքստրեմային պայմանների ինքնաշխատ մեքենա» (Automaton Rover for Extreme Environments, AREE), որն ունակ կլինի գոյատևել Վեներայի վրա:

Մրցույթը հաղթած նախագիծը / © Youssef Ghali, HeroX, NASA Tournament Lab

Կազմակերպիչներն աշխարհի 82 երկրից ստացել են ավելի քան 750 առաջարկություն, իսկ օրերս NASA-յի Tournament Lab-ի ինժեներները և մրցույթի գլխավոր հովանավոր HeroX կրաուդսորսինգային հարթակը հայտարարել են հաղթողների անունները: Գլխավոր մրցանակը, այդ թվում և՝ 15 հազար դոլար պարգևը, բաժին են հասել Եգիպտոսից ճարտարապետ և արդյունաբերական դիզայներ Յուզեֆ Ղալիին: Նրա կողմից առաջարկված սարքավորումն օգտագործում է քամու էներգիան, որպեսզի դանդաղ և զգուշորեն շարժվի Վեներայի վտանգավոր մակերեսի վրայով:

NASA-յից Ջոնաթան Սաուդերը նշել է, որ բազմաթիվ հրաշալի գաղափարներ ու լավ մշակված կոնցեպցիաներ են ներկայացվել, որ առաջին, երկրորդ և երրորդ տեղերից բացի՝ եզրափակիչ են անցել ևս 2-ը: Եվս 10 նախագիծ արժանացել են խրախուսական պարգևների:

Վրիպա՞կ գտաք։ Նշեք հատվածը և սեղմեք Ctrl + Enter։