Արհեստական բանականությունը պարզել է, թե ինչն է ավելի շատ ազդում ռոմանտիկ հարաբերությունների վրա — Շեշտ.am (shesht.am)
8 րոպե
Խմբագրություն

Արհեստական բանականությունը պարզել է, թե ինչն է ավելի շատ ազդում ռոմանտիկ հարաբերությունների վրա

Փոխհարաբերությունների մոդելը՝ ընդհանուր կանոնները, կատակները, համատեղ փորձը, ավելի մեծ արժեք ունեն, քան այն մարդիկ, ովքեր ձևավորում են այդ հարաբերությունները:

Փոխհարաբերությունների մոդելն ավելի կարևոր է, քան նրանց մասնակիցները / © Psyhosoma

Ռոմանտիկ հարաբերությունների՝ իր տեսակի մեջ առաջին հետազոտությունն արհեստական բանականության կիրառմամբ, որի համար հիմք են հանդիսացել ավելի քան 11 հազար զույգերի տվյալները, թույլ է տվել բացահայտել գլխավոր հանգամանքները, որոնցով զուգընկերները դրական են գնահատում այդպիսի հարաբերությունները:

Մեքենայացված ուսուցման ալգորիթմի հիման վրա անցկացված հետազոտությունը հաստատել է, որ այդ հարաբերությունների հետ կապված ցուցիչները դրանց որակի մասին վկայող առավել ուժին են, քան մարդկանց անհատական բնութագրերի ցուցիչները: Այլ կերպ՝ զուգընկերոջ հետ կառուցվող հարաբերությունների տեսակը կարող է ավելի կարևոր լինել կյանքը վայելելու և երջանկության համար, քան ձեր անհատական առանձնահատկություններից ցանկացածը: Հետազոտության առաջատար հեղինակ, Կանադայի Արևմտյան համալսարանից Սամանտա Ջոելի խոսքով՝ ուշագրավ էր այն, որ երբ հավաքվեցին տվյալ հարաբերություններին վերաբերող բոլոր տվյալները, որոշ տարբերություններ մղվել են երկրորդ պլան:

Փոխհարաբերությունների մասին գիտությունը գոյություն ունի արդեն տասնյակ տարիներ: Ստեղծվել են այս ուղղությամբ բազմաթիվ հոգեբանական տեսություններ այն մասին, թե ինչն է զույգերին դարձնում երջանիկ և ինչն է դրան խոչընդոտում: Սակայն գիտնականները հանգում են այն եզրակացության, որ ոչ մեծ ինքնուրույն հետազոտությունների ընթացքում ստացված արդյունքների նշանակության ամրագրման համար անհրաժեշտ է այդ տվյալների կենտրոնացում և նրանց լայնածավալ գնահատում:

Հանգամանքներ, որոնք ազդում են ռոմանտիկ փոխհարաբերությունների որակի վրա (գծապատկերում ձախ կողմի 2 աղյուսակներում են) և դրույթներ, որոնց վրա այդ որակը կարող է ազդել (աջ կողմի շրջանակներում) / © Joel, Visserman et al., Proceedings of the National Academy of Sciences, 2020

Այդ նպատակով վերլուծական որոշումներից մեկը կարող է լինել արհեստական բանականությունը, որն ունակ կլինի մշակել տեղեկությունների մեծ ծավալը՝ հավաքված առանձին ինստիտուտներից և լաբորատորիաներից: Նոր աշխատությունում հենց այդ մոտեցումն է որդեգրվել. գիտնականներն օգտագործել են random forest (պատահական անտառ), որն իր մեջ միավորում է որոշումների կայացման բազմաթիվ ծառեր:

Այդ ալգորիթմի օգնությամբ վերլուծվել են 11196 զույգերի ցուցիչներ՝ տվյալների 43 առանձին ընտրանքից: Հեղինակները նշել են, որ արդյունքները ցույց են տվել, որ հարաբերությունների սեփական ընկալումն արտահայտող բնութագրերը (օրինակ՝ կոնֆլիկտայնության, կապվածության մակարդակը) կանխատեսում են մինչև 45 աստիճան շեղում՝ հետազոտության սկզբում առկա հարաբերությունների որակի նկատմամբ:

Հարաբերությունների համար առանձնահատուկ փոփոխությունների տեսանկյունից, որոնք առավել հուսալիորեն ցուցադրել են զույգերի փոխհարաբերությունների որակը, ամենահուսալին են եղել իր վրա պարտականություններ վերցրած զուգընկերոջ հավատարմությունը (օրինակ՝ «իմ զուգընկերը ցանկանում է, որ մեր հարաբերությունները երկար տևեն»), զուգընկերոջ կողմից բավարարվածության ընկալումը (օրինակ՝ «մեր հարաբերություններն իմ զուգընկերոջը երջանկացնում են»), գոհունակությունը (օրինակ՝ «բախտս բերել է, որ կյանքի ընկեր ունեմ»), ինչպես նաև վեճերի հաճախականության մակարդակը և սեռական բավարարվածության մակարդակը:

Անհատական հատկանիշներին վերաբերող հանգամանքները (տարիք, սեռ, ունակություններ) մեծամասամբ բացատրել են միայն հարաբերությունների որակի տարբերության 21 տոկոսը: Անհատական հատկանիշների շարքում, որոնք առավել ուժգին կանխատեսել են հարաբերությունների որակը, պարզվել է, որ կյանքից բավարարվածությունը, բացասական աֆեկտը (օրինակ՝ անհանգստության զգացումը), ճնշվածությունը, խուսափողական կապվածությունը և անհանգստացնող կապվածությունը:

Հարաբերության առանձնահատուկ հանգամանքների և փոխհարաբերությունների որակի հստակ կանխատեսման վրա նրանց ազդեցության աղյուսակ / © Joel, Visserman et al., Proceedings of the National Academy of Sciences, 2020

Հեղինակները նշում են, որ բացասական աֆեկտի, դեպրեսի կամ անվտանգ կապվածության ապրումը վտանգ է փոխհարաբերությունների համար: Նրանց խոսքով, սակայն, եթե մարդիկ կարողանում են հարաբերություններ կառուցել, որոնք բնութագրվում են ճանաչողությամբ, սեռական բավարարվածությամբ և վեճի բացակայությամբ, և նրանք միևնույն ժամանակ իրենց զուգընկերոջը համարում են նվիրված ու կարեկից, ապա այդ անհատական բնութագրերը կարող են ոչ էական ազդեցություն ունենալ:

Գիտնականների եզրակացությունները հանգում են այն պարզ իրականության, որ մեր ընտրյալն այնքան կարևոր չէ, որքան հարաբերությունը նրա հետ: Համահեղինակներից Ջոել Ինվերսի խոսքով՝ փոխհարաբերությունների մոդելն ավելին է, քան այդ հարաբերությունները ձևավորող մարդիկ:

Ամենաընթերցվածը

5 րոպե
Խմբագրություն

Արմեն Պետրոսյանի խոսքով` Հայաստանում տևական ներքաղաքական ճգնաժամի ու քաղաքացիական պատերազմի չհասնելով` Ադրբեջանի իշխանությունները ձգտելու են բազմաքայլ կոմբինացիաների, համակողմանի՝ ռազմական, քաղաքական, մարդասիրական առավելագույն ճնշումների շանտաժի միջոցով հնարավորինս արագ հասնել իրենց առջև դրված խնդիրների լուծմանը։

1 րոպե
Խմբագրություն

Ֆրանսիայի նախագահ Էմանուել Մակրոնը Սիրիայի Քուրդիստանի ղեկավարության հետ հանդիպման ժամանակ պատրաստականություն է հայտնել տնտեսական և ռազմական աջակցություն ցուցաբերել ինքնավար շրջանին` «Իսլամական պետություն» ահաբեկչական կազմակերպության դեմ պայքարի համար:

4 րոպե
Խմբագրություն

Մեծ Բրիտանիայի առաջին անսպասելի զորավարժություններն անցկացվելու են 2022թ., որոնց նպատակը ռուսական կայծակնային հարձակմանը պատրաստվելն է: Մի քանի խմբերի բաժանվելով, վայրէջքի համար մայրուղիներն ու ավտոկայաններն օգտագործելով` ռուսական հրթիռների կողմից մեծ թվով ինքնաթիռների ոչնչացումը կբարդանա:

3 րոպե
Խմբագրություն

Տեղեկատվություն է տարածվել, թե Արևմուտքը պահանջում է ռուսական խաղաղապահ ուժերի դուրսբերում Արցախից: Նշվում է, որ Գյումրիի 102-րդ ռազմաբազան դուրս կբերվի Հայաստանից, իսկ ռուս խաղաղապահների փոխարեն կտեղակայվեն ֆրանսիական ուժեր:

2 րոպե
Խմբագրություն

Նախնական տվյալներով` տուժածների թիվը 15 է: Նրանցից երեքը հոսպիտալացվել են. վիճակները գնահատվում է միջին ծանրության: Մյուս 12-ը, ինչպես նշվում է, լուրջ վնասվածքներ չեն ստացել. նրանց ցուցաբերվել է անհրաժեշտ բուժօգնություն:

2 րոպե
Խմբագրություն

ՌԴ նախագահի խոսքով` «ոչ Հայաստանը, ոչ Ադրբեջանը, ոչ էլ Լեռնային Ղարաբաղի բնակիչները շահագրգռված չեն հակամարտության շարունակմամբ»:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.